星期三,一如既往去了黃廣昌家的昌盛茶餐廳食嘢,再番查經,六點三開始一直寫application form啲嘢,到六點九休息一陣,點知聚會無幾耐之後就開始集中唔到,應該有一半聽唔到,好失敗. 其實我每日瞓得四個鐘,點可能唔一坐底就瞓著呀.
星期四,上午淑珍姨姨複琴時,講咗好多嘢,如何被主打到,一些很艱難的歲月,所以對上一輩的信主的弟兄姊妹,我係好佩服的. 我又係好期待,因為係新一輪的家禱會開始,我原本的牛池灣組有五個新人:林生,澤芬,慶論,永鴻同錦娟. 但係點知永鴻今次無黎,真係有啲失望. 一開始慕華姊妹帶領我地唱"一路我蒙救主引領"同"他是一切最親",真係好切合新一輪的主題. 先係交通各人的近況,寶姨又調咗職,佢一路都咁開心,又可以同海明一齊工作喇; 皚晴最大的問題係"無嘢做",工作實在太簡單,以致常常要扮忙; 淑惠姊妹的弟婦係佢家中住十個星期,對姊妹屬靈追求有好大影響; 婂娟工作的團體四十週年,所以特別忙碌; 林生在神學院的負責當然繁重......每人都有分享,所以去到成九點四十分才完. 主的恩夠用,主的能力在軟弱的人顯完全,主讓環境造就我們,叫祂的成份在我們裏面加添.
星期五,係我家舉得家禱會,其實由我出世而來,我家一直都係家禱會的地方,不過我二十一年都無機會出席,我終於等到今晚. 所以我負責係屋企樓下等人黎,第一個係歐寶燕姊妹(次次都係),最後係新受浸的弟兄偉文. 佢地的分享比較著重於最近聽道讀經領受,尤其是"住在主裏面"一題. 由於榮基叔叔的時間控制非常之好,所以比我地昨天早一句鐘完結.
星期六,係青聚中,桂生導師講及主耶穌基督行的神蹟,乃睚魯女兒及血瘺病的女人,自己最深刻的乃是主有主的時候同道路,主在往睚魯家的途中,一直被人耽廷,以致他女兒死了,原來女兒的死,是要叫睚魯的信心得造就,原來睚魯以為主醫病是按手在他女兒額上,那知主有自己的方法. 主在拉撒路的死上豈不是同樣廷遲兩天麼? 神在舊約也帶以色列人走一條遠的路去迦南. 難道神的意念同道路非高過我們麼?
聚會完結之後,惠如導師很有負担的跟我們說聚會時不應沒精神打瞌睡,如果常常出現,一定係心態唔正確,自己有時都好失敗.(本年度最失敗係夏令會早堂.....同班細路傾偈傾到五點)
PS:星期日的事很想寫,但現在我很累......重要的是月張姊妹誔下一女,希望她的身量並神和人喜愛她的心都一齊長大.
PS2:今日同一位好耐無icq過的弟兄傾咗兩句.點講呢.我都唔知點講.
1Jn 2:17 這世界和其上的情慾都要過去.惟獨遵行 神旨意的,是永遠常存.
文章定位：
