旨程＠Dennis｜PChome Online 個人新聞台

2004-10-01 18:54:27| 人氣32| 回應0 | 上一篇 | 下一篇

旨程

推薦 0 收藏 0 轉貼0 訂閱站台

今個星期有兩日假,就搞到成個禮拜都唔似番學,番學個三日都去咗做gym,而星期四重去咗美心飲茶.

星期三同順達去咗探月張姨姨的小朋友,應該話係啱啱出咗世四日的小朋友.因為我唔識去港灣豪庭,所以一齊去,要經過成三重關先入到去,真係唔容易. 小朋友叫旨程,意思係主的旨意領她全程,其實凡信主的都希望主真係成為她一生的主.佢地搬咗入去都有半年,屋企可以睇到禮拜堂喎,不過我地唔係好認到喇. 而間房可一覽有九龍舊區特式的西九龍.

月張姨姨好精神,我地探佢,但係佢講嘢仲好似多過我地,問吓順達第時諗住做乜,問吓我考琴的嘢,又拎由新加玻空運到港的綠色蛋糕俾我地食,其實我地都唔好意思去人地屋企阻住人休息. 佢地之後有人黎探小朋友,我地每人就寫咗啲嘢俾小朋友就走喇. 都好耐無同順達傾吓,雖然都無講過啲乜,但係都好開心,我最鐘意同啲真的人講嘢.

星期五,國慶,同屋企人去咗元朗兜咗個轉,因為西鐵有什麼觀光行程嘛.第一次坐西鐵,假期都咁少人,好貴,無學生價. 我地去咗流浮山,其實賣啲嘢同大澳差唔多,又好多食海鮮的地方,有啲似街市咁濕濕漉漉. 去到盡頭,可以見到鹹淡水交界,隱約望到中國大陸. 係香港黎邊,都有啲濕地,同紅樹林,重見到零星的侯鳥.

今個星期覺得好特別係尹三龍獲釋,佢講咗最大的力量係寛恕,原諒同愛.除咗係香港各大頭條外,連英國太陽報都頭版報道.我覺得如果佢講的嘢可以影響到人,係因為佢用佢的生命見證出黎,我地信主的人都係一樣,如果想人相信你所講所傳的主的時候,先睇吓自己的生命可唔可以叫人信服.

PS: Timothy,張相呀.

我要檢舉

台長： Dennis

人氣(32) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)