今次受浸的人數不是很多,有四位弟兄姊妹,分別係余卓智弟兄,曾偉文弟兄,張文玉姊妹及梁桂芳姊妹.
星期日主日,係我地聚會地方的受浸聚會,我真係期待咗好耐喇,一早諗買啲乜禮物俾佢地,一早諗寫乜俾佢地,真係仲開心過等放暑假. 雖然上晝發現我一家的禮物和弟兄們送的竟然有雷同,要經我們處理一番,有時都覺得送禮物如果有栛調應該會好啲.
下晝兩點開始,(我記得上年雖然我叫咗我三四個friend黎睇,但係黎的只有Teri喎),我同國泰奮勇的坐了一個很顯眼的位置,其實對於一個四點鐘才睡的人是很危險的. 今年海明做主席,一開始講,"我地靠著神的恩,開始呢個受浸聚會......"確實一切都是靠著主的恩.唱詩"祢的大愛"和"我主耶穌,惟祢是配"(我好喜歡的詩歌),之後林生講林後" 並且他替眾人死,是叫那些活著的人,不再為自己活,乃為替他們死而復活的主活."雖然主要是介紹福音給一些未信的朋友認識,但也提醒我們信主的活著是為主而活(不過我當時真係好攰).
余卓智弟兄的見證好感動我,他提到他以前是如何的被罪所綑綁,不能自救,我雖然之前都認識他,但真的不知道他這麼多的過去,但主尋找他,在一個偶然的機會黎聚會,擺脫了以前所不能擺脫的,愛惜屋企人,最後更向自己家人及朋友見證主是真實可信的,所以都應該認識他.曾偉文弟兄好緊張,見證了主在佢身上的帶領,尤其是在他找學校的時候幫助咗佢,但係說話有啲淩亂,不過他最後又叫大家應該多讀聖經,真係......好佩服嘉文麗文姊妹的母親,一位老人家站在人前見證主,當她提到在病患時林生同梁姑娘探佢時,真係好感動,又非常感激弟兄姊妹的關心,說"他們如此有愛心,因為係佢地有主的愛.". 最後係一位坐輪椅的張文玉姊妹,五六年前她己經開始聽主的道,現在覺得應該好好跟從主,他以前很怕自己一個人,但現在有主陪伴她. 見證之後係影相,影咗都好耐吓,我當時知道一定會overrun.所以我都唔敢多影,先過去附近的一個有浸池的地方.
與以往一樣,但願將榮耀並尊貴和頌讚,歸與我主耶穌基督,在受浸的時候,是不斷將榮耀歸與神,叫魔鬼崩潰.一個人從水中上來就是新造的人了. 其實我真係好想同兩位弟兄影相,但係我又唔好意思喎......
無錯,受浸係一個開始,要走的路很長,基督徒若不走十字架的道路,便無路可走.而十字架的道路便是捨己的道路.
文章定位：
