我覺得今年一返學就好辛苦,因為啲Recruitment的嘢排山倒海咁黎,上個禮拜EY的cover letter都未寫得好,又知十月要交Business Law essay,今日啱啱有黎我親愛的KPMG 的Recruitment talk,Chairman 都有黎(我上個sem個經吹水的Thomas Wong係佢中學同學),一開始段片好pro,好global,但係啲present好唔掂,個run down又古怪喎,最黑人憎係個chairman講嘢係好自大,成日話KPMG is the best, and we deserve the best.雖然佢有資格咁講,但係聽呢種人講嘢我好辛苦. 人地問佢問題,佢叫我地自己答番喎,個態度都好唔尊重人吓. 我地個accounting department head梗係出黎講自己以前係KPMG做,佢又係自大狂,成日話UST accounting is the best, what a perfect match with KPMG......雖然自己以前做過,但係真係覺得佢地無俾個心出黎請人.
我而家越黎越發覺一間公司真係唔係每個人都適合,我覺得EY會尊重人,但係KPMG唔會.如果你想番大陸玩吓,想一grad揾萬幾二萬,嘛入KPMG囉.佢Chairman直情話一個人無錯係需要balanced life,but it is in the sense of whole life.啫係話而家努力做嘢做到死,第二時退休就打跛腳都得嘛......不過我驚我無命享.
尋晚,星期四,同咗以前係KPMG做嘢的同事食飯,(我唔鐘意公司的culture,但係唔係唔鐘意每一個人),我早咗啲去到灣仔,自己行咗去art center,睇吓啲fine art graduate的畢業作,我好耐都無咁寧靜過. 經過Grand Hytt,我哥做嘢間CSLA係度開一連五日conference,所以都見到好多banner,唉,啲公司成日使埋啲無聊錢,請Elton John黎唱一個鐘又三百萬喎.....Mina(我河南的in charge)一早係灣仔一間日本嘢等緊我地四個,要manager等真係唔好意思,鬼叫佢上次要我地等成個鐘咩. 啲嘢食普通喇,刺身唔夠新鮮,啲服務態度唔好,不過唔緊要喇,都係出黎聚吓啫,本來係Jerry今日黎我地UST講Recruitment Talk,但係佢今日要training,所以無得黎. Mina又叫我地快啲入KPMG做,真係揾笨咩,餐飯都唔係好貴,五個人六百蚊左右,多謝Mina.
期待緊星期日的受浸聚會.
PS:上次張相係我呀哥,今次係我喇.
文章定位：
