燕仔遊樂場 此遊樂場正式於2005年3月20日開幕～ 成立目的是為慶祝本人１９歲生日～ 而且有好多感想想同大家分享下～ 希望大家可以在此盡情享樂～

72愛的鼓勵 1訂閱站台

係巴黎stay左唔夠一個禮拜,

趁住天氣好, 都係屋企附近閒逛下,

可惜禮拜日D舖頭都收得好早, 想買既野結果都係留番聽日再算,

係宿舍附近有條街好鍾意行,

而旁邊既單車人士會開行turbojet衝落去, 完全無剎車既意思, 爽!

沿路兩旁既樹, 仲有側面會有傳統住宅既小露台,

不時會有一兩間舖開埋露天用餐,

一切都令人好RELAX~

亦都好鍾意沿路不少既花店, 一整個美化市容~

仲有黃色既郵筒仔,

而大大小小既雜貨店都會將蔬果擺出黎~

今日地鐵站附近又有露天市場, 但我去既時間有點晏,

店家開始收野, 所以無影到相, 想拎相機出黎又有種唔好意思既感覺, 驚打擾到人地~

露天市場賣既野好多,

有懷舊既CD, 影碟, 餐具等, 手飾衣服公仔都有,

記得法文老師話法國人都好like拎屋企唔要既野出黎賣,

價錢都唔會特別平架~

另外有新鮮既蔬果檔, 肉檔, 魚類海鮮檔, 芝士檔都有~勁!

平時經過Patisserie, Boulangerie都會入去望下, 但琳琅滿目之下,

真係唔知揀邊樣好, 今日特別想食Croissant,

有一間係地鐵站附近成日飄出牛油香既,

好想試但又多人排隊我又唔多想, 真係次次都無幫襯, 哈~

行下行下遇到一間餅店, 格局有點傳統, 而麵包西餅賣相也不俗,

而令我下定決心既係, 見到個白髮穿著廚師服既胖叔叔,

一整個感覺係間店既老大兼餅廚, 個信心保証出左黎~

第一次用法文點餐, 叔叔好俐落咁用張紙包好個Croissant俾我,

雖然叔叔未算好友善, 或者我幫襯多幾次佢會認得我~哈~

個包拎係手黎唔切影相就咬一口,

WOW! 外層香脆, 裏面鬆軟, 平時係澳門買到既一係就放太耐軟BB,

一係就外層烤得較硬, 今次呢個一咬落去係脆卜卜地聽到聲,

原本諗住佢應該擺左一段時間, 結果真係出乎意料左~

下次我會控制自己唔好三分鐘食完~

食完都唔會覺得好膩~

點算好, 我一整個好想繼續探索巴黎既Croissant,

記得之前都有睇過關於Croissant既介紹, 今日再睇到網站都有講,

係巴黎Croissant會分左係Croissant au beurre同ordinaire,

前者係用真正既牛油~後者就用植物性牛油~

係越肥越好味既前提下, 我會繼續選擇au beurre~Hoho~