燕仔遊樂場 此遊樂場正式於2005年3月20日開幕～ 成立目的是為慶祝本人１９歲生日～ 而且有好多感想想同大家分享下～ 希望大家可以在此盡情享樂～

72愛的鼓勵 1訂閱站台

 

禮拜六日足不出戶宅在家中~

本來想約下朋友去睇單身男女, 但太過即興都搵唔到人陪> <

呢兩日主要睇左兩部電影~一部係前度, 佢D畫面穿插到我有點亂~

只能講前度係淡忘的回憶中美化左, 但再接觸又勾起更多痛苦~最後現在的,過去的,結局男女主角既狀態都好混亂~搞到我呢個觀眾都好混亂~

但另一部日本電影我就幾鍾意~雖則節奏都係有點慢, 但可以接受~

套戲既名叫花水木, 用中文講出黎有點怪~

後來先知原來係一種花既名稱, 亦都係戲入面女主角家門前種左呢棵樹~

之前睇過預告就有興趣, 但澳門無上畫~感謝網路世界熱心人士分享~

一睇預告同海報就知係一個浪漫既故事~很適合我~

由男女主角相識, 拍拖, 遠距離, 探望, 分道揚鑣, 重遇, 分開,錯過,再一齊番~

經歷左十幾年既時間,

要幾多既緣份先可以令兩個人兜兜轉轉最終會係番埋一齊呢?

中間只要有一個變數, 結果就變得唔一樣~

編劇操控左男女主角既緣份, 所以故事唯美又浪漫~

但真實生活比較殘酷, 由邊個去編寫兩個人既緣份同人生呢?

係故事中間兩人重遇, 在花水木下相擁既畫面, 縱使係朋友既身份, 都鼓勵對方一定要得到幸福, 很感動咧~

幸福停在那一刻就好了~我都可以熄機出去行下~但還有大半個鐘既戲要做~

接著兩個人各自生活上既變卦, 起起落落咁, 結局可預知的, 所以就順著去看,

中間同肥欣吹下水~佢最唔鍾意個D有病或者出意外之類既橋段,

人生無常嘛, 但男女配角需要順應劇意同民向~

電影結局一句話係願天下有情人終成眷屬~

每次去飲睇到一對新人既相片POWERPOINT都覺得好幸福,

兩個人相識, 拍拖, 去旅行, 結婚相咁~

感覺經歷好多才走到結婚呢日,

中間出現過既配角路人甲乙丙丁個D都唔係咁重要~

生活沒有童話,

要講愛情, 又要講麵包, 買完車又要買樓, 生完仔又想追個女,

SO各位有情人, 努力!加油!