燕仔遊樂場 此遊樂場正式於2005年3月20日開幕～ 成立目的是為慶祝本人１９歲生日～ 而且有好多感想想同大家分享下～ 希望大家可以在此盡情享樂～

72愛的鼓勵 1訂閱站台

又荒廢左個blog幾個月, 其實間唔中有黎探訪下但都無寫d乜,

係呢幾個月既時間, 我做左一個對人生好重大既決定,

其實上年三月已經報名巴黎藍帶甜點文憑課, 但報左就一直拖延落去,

無法, 性格使然, 就係猶疑拉鋸天人交戰內心鬥爭左一大輪,

好彩一班好好既朋友support, 加上家人既態度軟化,

令我終於決定踏出呢一步, 感謝大家, 希望一切順利~

公司個度我係月頭已經遞信辭職, 想起入職第一年既離職慾望及埋怨超強,

到依家要走既時候不得感慨有份捨不得既心情,

畢竟四年幾快五年的時光, 一起並肩作戰既同事同老細, 有開心有唔開心, 但一切都即將過去,

係臨走呢兩個月覺得自己成長左好多,

由以前好討厭interview, 到依家90% no show率, 其實面試還好,

只係唔好一日太多, 真係會大腦疲倦~

黎緊將有好多人排住隊番工, 總算對自己對呢份工有交待, 起碼無留好多空缺要人地執手尾,

其他既報告d人落黎搞呢搞路既應該都無乜野,

接手既人會係我離開後先出現, 有種慶幸feel, 我怕見到反而尷尬~

一份工作最後既學習就係放手~我會努力~

屋企人其實係呢段時間都幫左唔少, 其實我唔係出走太耐,

雖然都想過係個邊留耐d搵到工作更好, 但一切要看能力運氣天意緣分~

朋友們亦俾左好好正能量我, 是的, 要勇敢走出去, 一個人也不孤單~加油!

感情既事前排去求簽依然係一片黑暗, 想唔睇開d都唔得, 哈~

其實依家仲未有種好真實既感覺,

只有十幾日既時候, 仲有好多野未搞, 我真係好慢動作,

都係個句, 希望一切順利~

仲有, 有時間我要分享下今次搞法國學生簽証既種種,

好奇怪點解網上就係搵唔到, 反而台灣人既就好多,

所以很想跟大家分享一下!!

另借9A狀元渣巴士一事, 鼓勵大家都勇敢追求夢想,

中間可能有好多碰壁, 但也會遇上扶手, 夢想奢侈, 過程唔全然快樂,

但盡力去完成一件事, 總好過俾自己遺憾,

時間總是向前不等人, 總是羨慕別人的人生, 不如為自己爭取小幸福, 加油!共勉之!

至於番黎之後會做咩搞咩真係乜都唔知, 可能去賣下名牌賺錢,

可能再嘆下玩下, 可能好心急搵份文職hea下~未來本來好多變數, 諗唔到咁多~

要執野喇!!!!!!!!!!!