燕仔遊樂場 此遊樂場正式於2005年3月20日開幕～ 成立目的是為慶祝本人１９歲生日～ 而且有好多感想想同大家分享下～ 希望大家可以在此盡情享樂～

72愛的鼓勵 1訂閱站台

 

好匆忙咁收拾行李，好匆忙咁一放工就去機場～

點知澳航Delay，頂～～等多左成粒鐘～

好彩機場有電視睇下～睇到林峯個套真係唔捨得走～呵～

飛機餐點唔記得食左Ｄ乜，淨係覺得澳航真係縮減成本～

以往都會有水果，小甜點或小配菜～依家都無lu～淨係得個飯or麵咋～

下次都係考慮番復興or長榮吧～

一落機就極速閃去坐車再轉的士去Jill屋企～到左都差唔多12點～

一見到Jill都覺得佢有瘦左既感覺～後來聽佢講份工捱得好辛苦瘦左好多～

工作真係唔容易～同埋佢頭髮長左好多～快Ｄ剪喇～哈哈～

因為時間都幾夜，我都好匆忙咁洗頭沖涼吹頭早抖～擔心佢地聽日要早起會嘈住佢地訓唔到～

第二日有種唔願起身既感覺，睇到宮心計（國語版）成大半集先肯動身～

首先去左Hostel安頓好，上下網，仲遇到個香港人添～傾左好一陣子先出門～

先去南京東路附近食個BRUNCH美式蛋捲~坐左一陣再去附近既十五區嘆件蛋糕~

試左今個月新出既老男人, 係古古力PLUS香蕉既蛋糕~好好味~

本來想食多件千層派, BUT後來俾人賣晒~算吧~剛剛個件都好滿足~

之後走番去台大~本來想去圖書館找昕馨, 點知佢咁岩放左假, 咁無計喇~又一個人逛來逛去~

好想念台大既鮮奶, 不過下午就賣晒, 唯有飲豆奶~感覺很貨真價實有飲到豆既感覺~哈~

接著開始逛公館市場同埋師大夜市, 師大真係繁華到極致~人多到癲~仲同佳慧家昌佢地一齊共晉晚餐~SO GOOD!

到左第二日就係同07年既台勞團共聚~成兩年無見大家, 真係好掛住佢地~

一齊食飯吹水渡過炎熱既下午~再衝去五分埔逛街買衫~呢一日真係超充實!

尤其係同GLORIA & LORI在五分埔裏面的廝殺, 令我諗番起以前大學都好鍾意咁樣~

本來都仲好飽, 係一輪混戰亂翻衣服就開始餓了~同LORI食關東煮當晚餐~

番到去HOSTEL已經轉左雙人房真係SURPRISE~張床大好多~可以碌黎碌去~

第三日就係HONEY TOAST DAY! 奉獻左大半日既時間都係俾左呢個HONEY TOAST~

由早上11點半到左店內攞籌, 店員話要等到4點以後先有位~只好係唔熟悉既東區流浪下~

蕩到差唔多時間先再番去, 店內熱鬧到唔似貴婦下午茶, 似鬧市多D~

夜晚換對新鞋子去行士林夜市, 但刮到對腳好痛, 有兩條痕係度, 太可怕喇> <

依家仲隱隱作痛~~真係愛靚唔愛命~

LAST DAY俾樓上鑽牆鑽醒左~執好晒D野再去公館買D東西~

中午食個爭鮮壽司, 一個人唔敢食好多盤~但每樣都係自己好鍾意食既~

食完都係唔心息要衝去食個COLDSTONE! 仲有計住時間~4MINS就KO左個雪糕!勁~

又再衝去拎行李坐國光~我想話國光個站靚到唔認得LOR!

雖然好塞車行左成個幾鐘先到機場~BUT總算及時到達~

係機場亂逛都買左包檸檬餅做手信~哈~~真係耗盡台幣~

就係咁, 呢個小暑假就匆匆過去~係回程既飛機上仲見到彩虹添~

一個人既旅行有時很快樂, 有時很寂寞,

很想說話但不能自言自語~

很想去淡水, 貓空這些地方當觀光客一下, 但其實呢D地方我大學個陣都好少去~現在也不必勉強去~

還是隨心隨意走吧~累的時候買瓶飲料坐一下~

天氣很熱, 連企係度等紅綠燈都會流汗~但慶幸無落雨~

我變得比以前理性一點,

我變得比以前獨立一點,

但猶疑不決這點一D都無變~

夏天, 還是想要一個暑假~