兩極端點 「姬」 於日本漢字解釋為「公主」 沒有白雪公主的氣質，沒有睡公主的可愛； 沒有貝兒公主的勇敢，沒有灰姑娘的耐性。 刁蠻任性但得到周遭寵愛...像公主般， 就參透這活在狹小世界的井底公主， 如何看大大世界吧！

51愛的鼓勵 0訂閱站台

究竟我們是「有D野」，還是「無野」，我也不知道。

 

大家都在集合地點見面，

黎輝打電話給他，他還在公司，

原來他誤會了是七點半，我說：

「正常丫…佢都唔睇你EMAIL」

黃寶寶說：「你點知佢唔睇咖~~!?你地兩個有D野喎…」

我說：「無喎~~佢講我先知咋…」

 

大家在點菜時，黎輝問我和黃寶寶吃不吃雞子，

我和黃寶寶都說沒所謂，黎輝說：「佢好似食咖…」

我說：「唔係喎…我記得佢係唔食咖喎…」

黎說：「唔係喎~~我記得佢會食咖喎~~我明明記得我同佢相反既…」

我說：「唔好嗌住啦~~等佢黎到先…」

他來了，黎輝問：「你食唔食雞子咖？」

他猛力搖頭，我說：「我都話咖啦…」

黃寶寶說：「點解你會清楚過黎輝咖~~你地有D野喎…」

 

侍應端上糯米飯，我們奇怪地問為何會有糯米飯，

她說是送的。我連忙著她拿走，因我說我們太飽了。

「點解你地唔問下我先…」他說。

「唔駛問…」我說。

「但係我想食喎…」

「我就係知~~所以唔俾佢放低…」

黎輝和黃寶寶異口相聲地問，為甚麼他不可吃糯米飯，

我說你們自己問他吧。

 

點菜時，他看著我：

「我真係好想食糯米飯呀~~~」

「點解呢~?」

「我驚我唔夠飽…」

「咁你點其他野食…麵呀飯呀…唔好食糯米飯…」

「點解喎~~~~」

「喇…我俾你食糯米飯都得~~你唔准飲珍珠奶茶」

「唔得~~我要飲珍珠奶茶~~~」

「無呀~~你只可以揀一樣…」

「我琴日飲左珍珠奶茶…咁係咪都唔俾食??」

「唔係…只係如果你依家叫左糯米飯，一陣唔可以飲珍珠奶茶…如果你想飲珍珠奶茶，你就唔好叫糯米飯…為你好咋~~乖…揀一樣…」我說。

「哎~~~好喇好喇~~我飲珍珠奶茶!!!」他說。

同時間，他搶了我的果仁，我尖叫說：

「做咩搶我D果仁喎~~~~」

「肥呀!!!!你成日話自己肥~~~唔准食!!!」他望也不望我說。

「唔得呀!!!!俾返黎~~~」

「唔俾呀~~~果仁膽固醇高呀!!!抖先見你已經係咁食~~~唔俾呀~~依家全部我食…我瘦呀~~~」

「唔制呀!!!俾返我呀~~~快D攞返黎呀~~~~」我不停頓腳。

「唔得!!!」他說。

我皺眉扁咀，黃寶寶見狀，搶回我的果仁，我笑逐顏開。

「炸腰果襯啤酒一流咖~~~~」我對黃寶寶說。

「襯~?!哈哈~~好似怪怪地咁喎…」黃寶寶說。

「果仁配啤酒呀!!!!邊有人用襯~~~」他教訓說。

「襯!!!!!!!」我吼叫。

「好好好~~~」他投降。

 

「佢呀~~~成日問埋哂D我唔識既野…」他向黃寶寶投訴。

「咁我以為你識嘛~~~」我抗議。

「嘩~~你問0個D發到音但係寫唔到咖喎…」他繼續投訴。

「………………你唔想答我咪唔問囉~~~」我細細聲說。

「嗱嗱嗱~~佢次次都出呢招咖~~~一話佢就話唔問唔問, 0係度發脾氣…」

「以後唔問你野呀!!!」我不滿地說。

「係囉~~你呢頭話唔問呢D, 轉頭咪又問第二D…」他奸笑說。

「………………」我被他”攻擊”得啞口無言。

「你自己話係唔係喇~~你成日話唔問, 但係又成日問咖喎…」他挑釁說。

「咦~~~~~~~」我不知如何自處地叫。

「哈~~~你講啦~~~我一定會罰到你五蚊！」他狡滑地說。

「唔呀!!!!唔講~~~~」我閉眼搖頭。

他猜得到，我何時說「對唔住」，但我不會認輸的。

 

黎輝說了關於我們的工作，

我說我知道，他說他不知道，

我便說：「你都唔睇EMAIL~~~」

他反駁：「咩唔睇~~~我有睇咖~~~」

「咁點解你會遲到呢~~有睇應該知道幾多點…」我微笑但帶點鄙視說。

「唔係我唔想睇~~而係因為亂碼而睇唔到…」他強力反駁。

 

「我今個星期六日會起筆咖喇…」他說。

「哈哈哈哈~~~~」我大笑。

「嘩~~~你咁笑法, 即係笑我點解今日唔起筆要等星期六日啦~~」

「無D咁既事…」

「我知你心諗~~~你呢個廢人點做都唔夠我快咖喇~~~我知你一直都做得咁快黎顯示你既實力, 等人懷疑我既工作能力~~~你好衰咖~~~」

「我無喎~~~~」

「你無講~~~但係你咁做就係咁暗示啦~~~」

「…」我忍忍忍。

「我無講錯哩~~~你個心根本就覺得我無鬼用…」

「……………我唔知你講乜~~~我聽唔明~~~呵呵」我轉過頭，避開他的視線。

「好野喎~~~咁都忍得到…」他奸笑說。

他一直都在挑戰我，何時會戰敗。

 

黎輝說那段說話其實給他看的，

只是因為我有同樣的擔憂，

所以也傳給我看，可是…

「我其實無乜睇到…」我說。

「下~~??!?!點解呀?!?!?」黎輝說。

「因為…………」我還未解釋，他已插咀：

「哦!!!!!!你又話我唔CHECK EMAIL，你自己又唔睇~~`仲0係度話我…」

「咁…咁………我唔係唔睇~~~係未睇…」

「咁你開個EMAIL黎做乜先~~~開左又唔睇…」他繼續。

「…咁佢俾我唔係用EMAIL，係用WORD咖嘛…」我解釋。

「咁仲衰~~~我就話亂碼睇唔到~~~WORD無亂碼喇掛~~~」

「我…………」

「我我我~~!!!我咩丫…你唔睇人地D野就得~~我唔睇就要俾你話…」

「唔係呀……………………………………」

「仲話唔係!?!?你自己唔睇~~你又叫人睇~~唔睇你又鬧人~~~咁你係咪屈我先~~~」

「…………………………我無…」我繼續忍。

「依家你屈我喎~~我好唔開心呀~~~你係咪要道歉先~~」他說出口。

「唔會~~~我唔會講咖!!!!」我堅持。

「我一定會罰到你五蚊咖!!!你睇住丫~~~~」他繼續挑釁。

 

黃寶寶莫名其妙地問我：

「你做咩要俾佢罰五蚊呀~?!」

「我唔知~~~你問佢」我皺眉說。

「因為佢成日做一樣野~~我罰佢唔俾做~~~」他奸笑說。

「好卑鄙~~~」我說。

「咁其實係乜野黎咖~?!?!唔准做乜野呀~~?!?!」黃寶寶問。

「我唔講!!!!我點都唔會講咖~~~」我發狂。

「哈哈~~其實係一個不平等條約~~如果佢再犯0個樣野呢~~佢就要俾我罰五蚊~~~佢實中咖…」他囂張地說。

「根本唔係不平等條約~~~我都無應承~~~係佢夾硬黎~~~」我反駁說。

「哈哈~~~係咖~~~佢無得揀~~因為我話事~~」他招積說。

 

其實，五大元不是一個問題，

只是，我也弄不清，為甚麼我會跟他玩這個遊戲。

 

 

吃飽飽，離開時，

他跟黃寶寶和黎輝一同乘地鐵，

沒有陪我到巴士站，我回頭叫了他兩次，

他說約了別人，不能陪我。

 

我頭也不回地走了。

 

不喜歡逼人，也不喜歡求人。

我知道這個習慣得危險，

還是多點自己離開較好。

其實他不陪我也有好處的，

起碼又不會被人說我們「有D野」。

 

 

兩年內，令我有這種感覺的，暫時得他一個。