相遇、認識了一位潮媽媽，
開竅了。
半天工作，從菲律賓回來的steve，
說請我們飲茶當作是團年飯。
這次「和頭酒」實在不想出席，
工作少不免有不如意有不快樂，
但拿著生意鬥氣後被上司責備，
是非常合理。
意氣用事只會將事情越弄越糟，
那為甚麼不快快手手的辦妥？
以公司利益為依歸，
盡快擺平問題是最好，
而不是恃著老闆愛錫而自把自為。
說實，我很討厭這種工作手法的人。
和安安一起食團年飯，
笑料還是有，但不是最多。
和安安行街街吃晚飯，
到小肥羊。第一次在香港吃小肥羊，
第一次跟安安打邊爐…
我們點了鴛鴦窩、菜芯苗菠菜、
金菇菜加雞脾菇和羊鞍片。
天哪~~~~~羊鞍片簡直美味美味。
還未夠？來個round 2，
南瓜片、手辧麵及月亮羊肉。
甚麼是月亮羊肉？
哪有沒有太陽半肉呢？
答案是：有。
原來大陽羊肉就是羊的大腿外側，
而月亮羊肉則是大腿內側。
月亮比太陽的貴，更比羊鞍的貴。
個人而言，比較喜歡羊鞍，
因為那朕羊味實在不可擋，
咀嚼時肉質比較實厚…
月亮則是軟軟薄片，
脂肪比例較多。
很滿足的一頓團年飯，
承惠五百大元。
開年飯到安安請我吃喲！
吃飯時安安問：
「maggy…如果有日你搶我男友…
又或者我搶你男友…你估會點丫喇？」
「我會俾左你…」
「哈哈哈~~~~不過我諗唔會咖
大家鍾意既都唔同…我諗會好難發生…」
我想了一會，說：
「唔……都唔一定既…
我諗有個情況我會搶你既男朋友…」
「係乜野情況呀？」安安問。
「就係佢對你好差既話…」
「哈哈哈…你溝左佢…玩佢…
幫我報仇…然後再飛佢…」
「無錯…」我說。
那是真的！男人，通街都是，
誰人對安安不好，後果自負。
四圍逛逛，走到首飾店，
遇上老闆娘，原來是潮媽媽。
她的觀察加上經驗之談，
令我覺得…
女人真是要聰明，
才會得到更多男人的仰慕。
有如sammy所說：
「誠實係兩個人之間既障礙…
仲會破壞大家既感情…」同意一半。
潮媽媽說：
「兩個人相處梗係要呃呃tum tum啦~
如果唔係點對幾廿年呀？知唔知乜野女人最唔得人鍾意丫…
就係誠實既女人~~~古靈精怪既女人就最可愛…
男人就會死心塌地黎愛你…下下講真話喎~~
悶死啦…
男人出去偷食…造反…有時佢地都唔想…
喂~~~扯起上黎~~扯到佢地痛痛地咪發洩左先囉
唔理得咁多咖喎…佢地之後會知衰…
又心軟軟咁對0個個女人好…
我地又唔會大吵大鬧…但係要俾佢知道…
出去混就唔好偷偷摸摸~~係呀~
我係當住佢面溝仔囉…光明正大…
等佢知道…等佢知驚知衰…
我同d friend落老蘭飲酒…
D鬼佬問我係唔係single…
我一定答係咖~~~一定係single…
幾時都係single…點會唔係single0者~~
我自己一個落黎之嘛…
做女人…唔係為隔離0個件而扮靚…
而係為自己扮靚…唔好你覺得件野好睇…
個死佬話唔鍾意你就唔要…就聽佢話…
都烚戇…你咁唔鍾意咪走囉…我買俾自己之嘛…
有句說話好岩…女為悅己者容…
記住唔好為d男人而扮靚…
而係為自己…要自己開心~~
你諗下…自己靚既心情都好d~~
個人自然就會靚…
我最唔鍾意d女人一窩蜂去跟潮流…
仲有d女仔為左著條裙而唔食野…
全日飲杯水喎唔食野….點得咖!?!?!?
我寧願肥騰騰喇…叫我唔食野勢係假…
個男人嫌你咩？你咪同佢講…
我副body係咁咖喇…我鍾意我個body…吹咩
你唔欣賞只係你唔識貨…我呢d…
講氣質睇內涵…不過睇你都唔識咖喇…
我個胸細？哈…我唔見得你衭浪好飽滿丫~~
究竟係布太多定係撐唔起呀？攞出黎睇下丫…
睇下有幾巴閉…女人係唔可以俾男人大到既…
佢話你咩…唔好衰俾佢地睇…你要俾佢知道…
你滿意自己…副body係自己咖…
Body係跟你一世…身邊個佬未必一世…
所以做女人一定要好好錫自己同欣賞自己body…
東南亞女人當中…香港女人最蠢…
扮乜野高竇0者~~扮哂野…
又唔識裝扮…以為名牌就好…
學下新加坡同泰國女仔咁…
扮靚…搵自己個style…
你睇人地幾靚呀…
學下大陸女仔既手段…
搵一個有錢既男人…
有錢都唔係最重要…
係有錢而又肯駛錢0係你身上既男人…
就算佢窮…都要佢自願俾錢你用…
覺得你唔值既~~又唔肯駛0係你身上既…
幾有錢都無用…呢d係用腦……
有d男人同我講…點解溝你咁耐都無得上床…
佢都痴鳩線既…我鍾意玩~但係都會知分寸…
要上床？得~~~我會同佢講…
乜你仲逗留0係一個咁原始既階段…
依家神交咖嘛~~~我地神交一排先囉..
神交之後有feel既再性交都未遲…
如果普通傾計都可以令到我濕哂既…
我請你去開房又點話丫…
佢懵既~~~講之嘛~~
佢又會覺得你唔係隨便既人…
男人好賤既…把口好臭…
咁易上床喎~~佢只會0係你背後話你賤貨…
所以死都要錫住自己…」
太多太多…不能盡錄。
其實未遇到潮媽媽前，
我都已經向這個目標而邁進，
而且已有好有一段時間了。
但今晚遇見潮媽媽後，
發現男女相處是非常有學問，
並不是鬥智鬥力這樣簡單。
再者，我意識到高手低手之分，
那當然啦，我絕不及這位五十多歲，
大女已快三十歲，孫女都八歲的潮媽媽，
她…的確是高手，甘拜下風。
我對安安說：
「如果我男朋友係俾佢溝左…
真係輸得心服口服…」
安安買了兩對耳環，
我買了一隻介指，
但在店子差不多逗了兩小時，
得到的，不是首飾，而是故事。
經驗之談通常都是最誘人，
是因為那種真實感…
她懂得如何掌控「男人」這種玩意，
令我想起一首歌…
＜卡門＞
愛情不過是一件普通的玩意兒
一點也不稀奇
男人在她的眼裡是消遣的東西
有什麼了不起
什麼叫情 什麼叫意
還不是大家自己騙自己
什麼叫痴 什麼叫迷
簡直是男的女的在做戲
你要是愛上了她 你就自己找霉氣
她要是愛上了你 你就死在她手裡
文章定位：
人氣(136) | 回應(0)| 推薦 (
0)| 收藏 (
0)|
轉寄
全站分類:
不分類
