剛剛好一個月的過去，
亦剛剛把電郵寄了出去。
掙扎已久的一封電郵，
終於在這限期內…動手了。
不勞嘈、不發少爺脾氣、
不橫蠻、不強詞奪理的家俊，
有時都頗可愛。掛線後的家俊：
「嗚嗚~~~~都唔關我事…
發我脾氣都有既…仲有天理既…」
他作狀哭訴著，可惜沒人理他，
「嗚嗚~~~好慘呀…
瑪姬…瑪姬呀~~~」他續說。
「乖…唔好喊…邊個蝦你呀~bb…」我安撫他說。
「d人痴線咖…發人脾氣都有既…
都唔關我事…」
「係喲係喲…唔關你事搵你出氣…
真係可惡…邊個咁衰咖~~?」
其實我知是哪個客人，純粹問問。
「佢囉….嗚嗚…瑪姬呀~~~~」他像小孩般。
「乖bb…唔好喊~~~佢地有無用皮鞭打你呀？」我說。
「差唔多咖喇~~~佢地傻咖…嗚嗚…」
「唔怕唔怕…我幫你切佢jer jer仔呀…」我說。
媽媽與小孩的對話，哈…我的語調是溫柔的，
當然，做戲要做全套。
「唉~~~好煩呀~~~」家俊說。
「煩？你一係為錢一係為女人0者…」我說。
「係啦~~~呢排特別多女煩…」
「其實…你有無諗過做和尚…」
「哈~~~我做和尚咪盞溝師姑…」(一___一)~
有這樣的人。
感謝老闆對我的厚待，
我看後，嚇了一跳。
正如老闆所說：
「公司賺錢先有花紅…」
我亦明白，就算公司賺了，
都不一定要給你的。
謝謝老闆！
就如家俊和sharon所說…
「老闆其實係好錫你…」
我會努力的^^。
很忐忑。
「bebe…*眼濕濕*」我哭著說。
「做咩事?」
「....」我說。
「= =」
「我唔開心呀..可唔可以陪我?(T^T)」
「做咩事? 」
「bebe...*眼濕濕*」
「做咩事...= =」
「係咪一定要講乜野事你先會陪我咖 >"< !? 」
「我係關心有咩事…當然你唔想講梗係由佢啦…
我一樣會陪你 ^^…」
「咁我驚你話你忙嘛 >"<」
「係呀…所以慢D…你照講就OK… ^_^」
「bebe你真係好~~*眼濕濕*」
「傻瓜~~~你夠對我好啦」
「係咩? 我覺得對你唔夠好咖喎~@_@」
「都真係幾好喇…講真,我又唔得閒…
你都仲會搵我…我身邊冇乜幾多個…」
「咁計咖咩!?咁係因為你對我黎講好重要, 我先搵你
如果唔係我踢你埋一邊啦….卡」
為甚麼有些男生不懂得像他一般欣賞我？
就如阿揚，我關心他不比bebe的少，
哈…他好像滿不在乎，亦不希罕。
也許在某些人立場，我的關心是多此一舉，
亦都可能是不值一看，嗯…
有bebe欣賞令我增添不少的信心。
「做咩唔出去食飯?」我問。
「整門...」
「又整?上次整閘…今次整門」
「冇錯...」
「你老板好怕俾人爆格…=.=”」
「過年麻...= =…我哩度又唔係街舖... 唔通拉起個閘就算 ...」
「我都唔係街鋪 ... 我地連門都無鎖-.-」
「有冇攪錯呀...你大廈保安好好…-0-」
「係 = =…我今朝返黎 開門先發現無鎖門」
「咁冇所謂啦…唔駛開咁多鎖仲方便」
「我地玻璃門~ 好易爆咖咋-.-」
「試過 ??」
「咁又未 …不過我同事話好易一敲就玩完 」
「你一陣去試下...= =」
「你想我俾人炒定係想我志在發洩?! 」
「意外哩d 野成日有架啦... 佢度門化學關你咩事...」
「你想我整爆完之後咁樣同老闆講…
順便發洩一下唔 開心既怨氣^^」
「冇錯…你真係聰明>3<」
「得你既引渡我先識得咁諗」我說。
又再次證明，他甚麼無稽說話都說得出。
「bebe食唔食紫菜」我問。
「都幾中意…好味^^」
「你鍾意食野味紫菜呀?
你食唔食芥辣咖 ?」
「最中意~~~」
「卡~~~咁我訂d勁野俾你」
「唔駛啦 …留返d錢啦
其實你有心我已經真好開心」
「你係咪驚? 」
「驚你同我借錢??」
「唔係~~~你係咪驚d紫菜勁得滯?!」
「唔係啦~~大家朋友先唔想駛咁多錢麻, 你又唔係好有
你屋企又要你照顧…慳返d 都好啦 」
「你叫我慳d!?>"<~~好hurt」
「又玩野...= =」
「難得人地有心情同你玩T^T…你又話人啦」
「邊有 = = 我最中意人玩野…
好開心~~ yeah~~~~^^V」
「咁第時我玩你, 你唔好話我喎~~^0^」
「我不嬲都冇話你」
「有時有(一__一)””」 我說。
我真是無法想像，沒有他…
我傷心的日子、我痛苦的日子、
我哭的日子…會怎樣過。
阿然問：
「你地咁好感情…點解唔一齊？」
這條問題，已經有無數人問過，
而個答案，我每次都支支吾吾。
在我認識他以後，
日記有不少的篇幅關於他，
說他，說了太多太多…
唯一有句說話，我再說一萬遍，
我都認為是很貼切很由衷…
「我真係好驚第時個老公…
無BEBE咁錫我…咁遷就我…」
已寄出的電郵，
當我在寫的時候，
心有如刀割般痛…
文章定位：
人氣(38) | 回應(0)| 推薦 (
0)| 收藏 (
0)|
轉寄
全站分類:
不分類
