誰是神棍？！
跟bebe聊天期間，我的excel死了，
我和他商討為甚麼excel會死，
他覺得驚訝，因為他日日都用，
用了十年，都未試過死excel。
我告訴他可能是我的檔案有六千多kb，
太大。又或者是一個檔案內有一千張sheet，
所以都是太多data以致，最後我們都沒有結論。
見他這麼用心地嘗試解決我的問題，我就對他說：
「無所謂, 我都無諗過解決問題 ^^」
「+_+就好似果條友咁...哇哈」他說。
「邊條友!? 」我問。
「ha…你又黎…點呀, 周星星同學...」
「我真係唔知你講邊個嘛 ~^^」
「你講緊我同你玩賭珍珍0個個 !??」
「仲有好多咩??... 周星星同學....」
「我只係問清楚 ~~」
「我諗佢解決左我咖喇, 唔駛我解決佢 」
「晏D 先講哩句啦」
「你唔好咁睇少人啦^^”」
他經常以為我身邊的男士會揮之不去，
但其實，有些會蠻「狠心」地離開我的。
我解釋，那位男士說過有機會我出席的場合，
他都會不出席，因為他要完全避開我，bebe即說：
「避佢老味!!!必到!!!」
哈哈哈，見他那麼肯定認為那男士不會避開我，
我便向他挑戰：「再開賭盤丫」
「你又想輸 !?」他反挑戰我。
「一定咖咩=.="」
「我係神 ~~」
「神咩丫神, 棍咋掛」
「卡~~ 咪睇下點囉」
說起打賭，我曾跟他打賭著，
如果我輸了，要請他吃東西。
「係喎~~你要唔要上次d曲奇呀」我問。
「唔好...好肥...多謝你…有心得架喇」
「珍珍都肥咖喎」
「珍珍我可以忍到口…日日食小小…但你d 曲奇唔掂…太好味, 我好快食哂成合@_@」
「梗係要快食啦, 因為無防腐劑, 一個月過期喇…咁你要唔要有nuts既曲奇咖？」
「千其唔好!!!你有心真係ok架喇…我超爆中意食曲奇」
「你驚變肥佬咋嘛~~~~哇哈」
「梗係啦…我成日笑人…唔可以有哩一日」
「咁我就買盒細俾你啦 ^^今晚你等我過黎, 反正我過尖咀」
「唔好!!!!真係唔駛…有珍珍薯片已經好好」
「=_=咁好啦!!!你今晚會唔會趕住走 ~?!」
「會...我趕住去游水…而家唔駛錢好多人」
「唔係掛?!~(-0-)你識咖咩」
「去玩之麻, 真係游咩~」
「攪錯呀~~~邊晚游都得啦, 人地話要過黎你先話游水>”<」
「我噚晚先游完...」
「咪係囉>"<你同埋佢去呀 ???」
「單拖」
「一個人去玩都唔願意見我先…咁你游完過黎搵我喇一係」
「你去邊?」
「尖咀…我估你去九龍公園」
「正確地點..」
「你知唔知邊間印尼餐廳!?」
「加連威老道 ??一係咁, 你扔落黎咪得囉」
「點掟呀=.="」
「好似餵動物咁…哇哈」
「我都未知, 但係一定係尖沙咀…咁行幾步路過黎搵我, 可以嘛!?我pls@____@」
「都話你扔落黎...有條橋架」
「-.-我想0係一個正常既情況下見你得唔得呀~?」
「好唔正常咩?!我做緊健康活動喎...」
「我唔入泳池得唔得呀」
「你唔駛入…都話有條橋」
「仲要企0係條橋度 …唉…我想對待你似返個人」
「你講咩呀...而家游水好罪過咩~?!?!」
「唔係呀…係掟落 去0個下」我說。
餵動物？他真的不將自己當作人那般看待嗎？
在公司，有時太悶跟bebe說說笑笑，
可以打發時間，哈…大家都被工作淹沒時，
唯有找一點樂趣吧！
「我有個嚴重既問題想問你…其實你係鍾意食薯片定係指名要珍珍」我這樣問，是因為我覺得珍珍的薯片比較燶。
「好味既薯片都食 ~~最唔中意利是」他答。
「咁點先為之好味 」
「珍珍」他這樣答，就等如沒答一樣。
「薯圈好味」
「OK 不過好似一片片口感好D」
「薯片好大塊, 唔適合我個櫻桃小咀~~*紅面*」
「+_________+」
「哈~~ 同我想像中既回覆一樣」
「凸…哩個唔係掛…哇哈」
「^^我樂意接受~ 」
「凸凸凸」
「你咪繼續囉 , 我又唔會嬲既」
「我知, 你最享受哩一刻~~」
「又唔係真, 係真既時候又可能係令人失望呢」
「有女 扑野都會失望?!」
「咁有時有d仔都會令我失望啦, 女都一樣」
「唔會…我一定唔係咁既人」
「你對食野無要求, 乜狗屎垃圾都放入口^^」
「梗係啦…唔駛錢想點…最緊要俾房錢, 其它乜都係假」
「即係..唔理條女咩野質素, 佢只要唔收你錢仲俾埋房錢, 即使係死魚都無問題~?」
「咁有熱誠都係死魚, 咩都抵啦」
「咁你同做鴨有咩分別 ~?!」
「我冇錢收架!!!!你係咪傻架...」
「好難為你呀~~~~陰公 」
「你無端端話我係鴨…老實講, 係!!!!」
「係我既錯!!!!!!你要點先原諒我~~~*眼濕濕*」
「你要做返我頭先講既野!!!」
「痴線, 我唔會俾房錢, 一定!!!」我堅持說。
「咁由佢啦 」他說。
「bebe 你真係唔過黎搵我呀…?」 因為已經有半年沒見過他，都想跟他見見面呢。
「水都冇得游....有野攪」他答。
「咁突然既???你唔係又去賭呀 」
「我都唔過澳門既」
「咩呀, 打牌入馬場唔叫賭咩???」
「入馬場?!?!有咩玩!?!?」
「睇馬」
「奧運果d有得賭架咩!?都未開始」
「++好似馬季完左咖呵, 依家馬仔抖暑 」
「係呀」
「奧運0係馬場舉行咩 ?!」
「唔係咩!?」
「唔係有個新既馬場咩 !同平時賭馬0個個一樣咩 !?」
「我唔知呀」
「咁你又講奧運 =_=」
「咁你話要睇馬當然係等奧運啦~」
「我0個下一時間唔醒起馬仔抖暑, 我唔係職業賭徒嘛~~~~駛唔駛入人入得咁盡喎 >"<」
「我有串你咩?!我以為你考我咋喎...*可憐*」
「仲黎喎+_+」
「咦 ~~?有料喎,,,」
「我知你講每句說話都有料地串我」
「係呀. 我就係話你有料, 知我玩野, 勁~~~^^b」
「我跟你幾耐呀=.= 會唔會唔知你性格」
「但係我真係好謙虛…仲有埋公仔…一睇就應該唔覺係玩野…*可憐*」
「其他人 可能會以為你謙, 但係你唔好唔記得你係同緊我傾計 」
「誤會啦 我份人其實好純品 ^_^」
「咁呢個世界無魔鬼~」
「一定有…你就係有心魔~」
「傻啦, 就算係有, 我個心魔都只會係同你傾計既時候俾你既說話引到佢出黎...平時唔見佢咖 ^^」
「-0-」
「因為同咩人傾計, 就要用咩身份嘛 」
「(T_T)」
「我又講錯野~?!」
「我明明好純品 , 我而家俾你污辱緊..嗚嗚」
「你咁講野既! 我錫住你咋..又唔見我污辱第二個 ^3^」
「我點知你有冇...嗚嗚」
「對住你既時候, 無論個身同心都只得你一個^3^」
「-0-唔怪得你lum 到咁多仔仔」
「無d咁既事!?!?!?係呢排好多男仔鍾意自殺0者, 我無lum佢地=.=”」
「-0-」
「又係你教既, 人地要死唔好阻人嘛」
「哩句真!!!唔好俾人威脅」
「梗係啦, 你講既野我句句銘記於心」
「至理名言…得益係你自己」
「梗係啦, `我幾時都話識到bebe係恩賜…bebe錫我係一個奇蹟」
「你又講咩鬼...」
「@_@我感恩中呀」
「要將3成人工捐獻先叫誠心…恒生 : 2XX - X - XXXXX6, 跟住fax 去 2XXX -XXX6, 你之後會收到一個確認既sms, 咁就為之完成」
「我每個月都有喎^^…我代你捐左去宣明會同紅十字會」
呵呵，他敗了！
今天洛洛生日。
準時離開公司，買完曲奇後，
乘地鐵到尖沙咀跟大夥兒集合。
到印尼餐廳吃飯後，到CEO唱K。
抱歉喲洛洛，工作太累，
而且明早還要有東西要處理，
要早走咯！
文章定位：
人氣(56) | 回應(0)| 推薦 (
0)| 收藏 (
0)|
轉寄
全站分類:
不分類
