秘密 --- 10/02/08＠兩極端點｜PChome Online 個人新聞台

2008-02-14 22:19:22| 人氣52| 回應0 | 上一篇 | 下一篇

秘密 --- 10/02/08

推薦 0 收藏 0 轉貼0 訂閱站台

秘密行動，進行順利。

四時半到朗豪坊，接賢弟。
第一句我對他的說話是：
「乜你個頭咁似乞兒既…」
他大大反應的：「乜野乞兒呀…
嫂嫂第一句竟然係話我…」
哈哈，嫂嫂我並不喜歡這個髮型嘛！
到旺角中心匯合波士和園仔，
我拿了我和波士「開會」的所有建議給他看，
大家看了，都笑我無聊。
我寫了「十蚊雲吞麵、四蚊豆漿、三蚊油菜」，
被波士責備：「你都真係好無聊喎…
我話呢d我一個人食ok咋嘛…
你寫落去做乜0者…你真係丫…
第時有乜野秘密唔好同佢講呀…
佢會black & white drop低…
大家真係…無哂秘密」
我大叫：「咩呀~~~~我問過你咖…
我問過寫唔寫…你話寫埋既~~~」
以我高八度的聲線，他放軟：
「好好好~~~係我唔岩…
係我錯……我唔同你拗…」

本想去吃水餃，
怎料初九啟市，
轉投金鳳吃扒。

大家遊遊盪盪到始創，
我說要吃雪糕，那大家都試雪糕。
天氣很凍，吃著雪糕卻很暖。
嘻嘻哈哈地到呼吸，
點了一支紅酒。
愉快地喝紅酒，
高興地玩啤牌。

直到十時多，大夥兒到廟街吃煲仔飯。

離開時，波士和阿揚在我身邊，
波士輕聲地說：「秘密行動非常成功呀…」
阿揚淡淡同意，我說：「俾人發現咁又點？
總之我攬哂上身~~~邊個問你地…
咪話係我既主意囉~~~有咩咪直接打電話黎插我囉…」
波士說：「唉~~你講極都唔明…
我地唔係怕俾人發現…
而係…秘密行動俾人發現…咪唔再秘密囉…」

阿揚對我說的話很有理：
「擔心黎都無用…鬧你都無用…
既然大家都做左咯…可以點0者？
佢唔開心就梗咖啦…擔心唔到咁多…」

送了賢弟到酒店，
我跟阿揚便乘的士到旺角，回家去。

「對唔住呀…我講下笑…
你唔好嬲….」阿揚說。
「乜你都會怕我嬲咖咩…」我回。
那句，我並不氣忿，
亦沒怒甚麼，只是我，
給你的印象太差的吧！
那時，我想為自己辯護，
但，已經不需要了。

入心的形象，我非常明白。

再見你，心有戚戚然。

也許，你跟我，都在演戲。
不是讓別人看的電影，
而是令大家…對方好過的戲。

剩下我和你的時候，
短，但感覺很漫長，
感性想讓時間停頓，
理性卻想快點完結。

不要再亂過馬路了！

我擔心…
沒有人在你旁時，
沒有人扯你衣袖，
提醒在看右邊的你…
左邊有車迎面而來。

不要怪我太過多餘，
而是你真像一位小朋友，
太大意吧！

我要檢舉

台長：姬

您可能對以下文章有興趣

爆炸 --- 11/04/06

首次 --- 27/09/07

最早 --- 19/04/08

應該 --- 15/04/07

人氣(52) | 回應(0)| 推薦 (0)| 收藏 (0)| 轉寄
全站分類: 不分類

回應(0)