兩極端點 「姬」 於日本漢字解釋為「公主」 沒有白雪公主的氣質，沒有睡公主的可愛； 沒有貝兒公主的勇敢，沒有灰姑娘的耐性。 刁蠻任性但得到周遭寵愛...像公主般， 就參透這活在狹小世界的井底公主， 如何看大大世界吧！

51愛的鼓勵 0訂閱站台

新一年，我叫小白鼠^^

年初一，循例姑丈姑姐叔叔嬸嬸拜年。
陪跑打麻雀，第一舖給我糊了，
「坦坦糊」十番，這樣就三個一二八了。
連糊四次，手氣不俗喲。
最深刻是自摸大四喜混一色夭牌，
呵呵呵….嚇得我。

沒有賭本的嬴了六百多元，
再讓位給爸爸媽媽繼續打，
他們奉獻了三百出去…
淨得到三百多元，希望好開始。

收了兩封德德表哥的利是，
有趣的是利是封有些刷刷的字，
刷了「真姻緣」及「兒孫滿堂」，
哈哈…好玩！承你們貴言啦！


















「bebe 我地識左幾耐呀!? 」我問。
「3年」他答。
「sure? 」
「係」
「點解你咁肯定呢?!」
「唔得咩~?! 」
「我問你點解0者~~ 唔想答咪唔答囉.. 咁惡做乜 」
「我好客氣... = =」
「咁你答唔答到?!」
「3年」
「點解你會肯定」
「有問 題!? 」
「做咩又反問我! 」?
「唔明…所以要 問返你」
「你唔駛明咖~~ 你答就ok 」
「因為肯定」
「咁我地0係邊個月認識咖」
「哩樣就唔太清楚」
「咁你又話肯定!? 」
「3年」
「講大話」 !
「3年...= =」
「你又答唔到我點解咁肯定~~ 我當你講大話」
「你中意... 」
「咁惡既 !? 人地都係唔記得先問你~~哭 」
「3年」
「咁你識我0個陣係咪好瘦咖!? 」
「我本人覺得差唔多」
「但係我覺得自己暴漲好多 仲想問下你覺唔覺」
「唔覺」
「bebe凍左 好多呀~~~~著多件衫小心身體呀」
「梗係 要…身體緊要」
「你記住食返多d野」
「你先緊要... 」
「我先緊要!? 」
「梗係啦, 你成日唔食野」
「我覺得自己已經食得好多野」
「覺得麻... 」
「=.=」
他經常逼我吃東西-,-
我變大肥豬他一定有責任。

「bebe …幫我改名」
「小豬妹」
「玩黎玩 去都係..「豬」「小」「妹」三 個字
有無小小新鮮感!? 」
「小白鼠」
「點解要係白老鼠既 ?! 」
「黎緊鼠年麻…白雪雪…好可愛
加個小字更加啦^^D 人叫叫下可能叫你小白
幾親切」
「小白咪你隻 狗名~-0- 」
「佢叫白豬」
「係咩?!之前有隻叫小白咖 ~~ 我記得
白豬!?小白鼠&小豬妹既混合體 ?! 」
「我改左佢名」
「仲咩改人名 !??"> 」
「可愛麻」
「咁小白呢個名唔可愛你又幫我改既!? 」
「你叫小白鼠…白雪…差唔多音…又應年…好 ^0^」
「我都想白雪雪 …你又改丫…改做小黑尼丫 」
「關我咩事... 」
「因為我地係好朋友 」
唔回答即係唔改啦
唔改.. 忍痛分手」
「*眼濕濕*」
「係你逼我」
「我冇...= =」
「我只係要求你為我做小小野 都唔ok 」
「下次…」


大家明白嘛!?