兩極端點 「姬」 於日本漢字解釋為「公主」 沒有白雪公主的氣質，沒有睡公主的可愛； 沒有貝兒公主的勇敢，沒有灰姑娘的耐性。 刁蠻任性但得到周遭寵愛...像公主般， 就參透這活在狹小世界的井底公主， 如何看大大世界吧！

51愛的鼓勵 0訂閱站台

我都是第一次被罵作「無恥」，
更重要的是…bebe罵我。

跟安安研究應該賜與甚麼身份給肥彬，
大家都想不到稱呼，我唯有問一個學者，
一位對兩性男女之間的微妙關係充滿學識的學者 --- bebe。

「bebe, 我有個學術性既問題想問你」
「歡迎 」
「如果有個人有老婆, 但係出面有個女人, 咁0個個出面既女人會係咩稱呼咖?」
「情婦」
「……..唔~仲有無?」
「俾錢養既叫二奶」
「有分咖咩又-0-」
「梗係有…你可能中意佢先同佢一齊, 但唔駛佢錢, 哩d叫情婦…但個男人俾埋錢就叫二奶」
「咁如果係個女人再返錢個男人呢 ~~~」
「咁即係個男人冇問題…係條女養仔」
「咁如果係咁, 被養既仔又叫乜野呢?」
「小白臉」
「有老婆可以做小白臉咖 ??-0-」
「冇抵觸架…而家係針對個行為」
「唔 ...小白臉...好似怪怪地咁喎…不如我問返女人喇, 女人範疇你好似熟d」
「冇問題 」
「咁如果個女仔有老婆, 但係又有個男朋友呢~咁個男仔叫乜野」
「女仔有老婆 ??仲要有個BF ??咁復雜 ??」
「跟住個bf仲要俾返錢個女仔咖喎…」
「個男仔知唔知?」
「知~~完全知情」
「咁應該係高手...」
「個老婆都知咖喎..」
「而家係咪2女1男?」
「無錯 ~~但係唔同床咖喎>”<」
「咁即係個男係拍拖 , 佢地只係男女朋友關係」
「無錯~~~bebe好醒^^ 」
「好難估咩 ...= =」
「唔可以讚你?」
「=.=」
「鬧你又話我鬧你, 我讚你你又唔滿意., 依家d男人真係咁難服侍咩?」
「你估你唔識點去調教男人咩…=.=」
「唔識~~~~要跟你學野 ~~^^」
「你上次明明話自己好叻=.=」
「幾時呀!??你係咪記錯, 我向來都唔認呢D叻咖喎~~@_@...我仲係初哥~~~*紅面*」
「好笑~~~無恥!!!!」
「邊係喎>”<…我咁真誠咁問你點樣令男人開心 , 你話人無恥都有既~>_<」
「希望你MSN 有KEEP HISTORY...」
「好可惜, 無 …咁你有無KEEP」
「最憎阻住D MEMORY...」
「咁我都會阻你個MEMORY…+_+咦~做咩扯開話題咖…我問緊0係咁既清況下, 個男仔叫乜野」
「都話男女朋友關係…頭先咪答左囉...」
「無專有名詞 ?」
「情侶」
「唔好恰我喎~~中文我都識少少.,..情侶係講緊兩個人既關係」
「咁咪男朋友囉...你係都要話唔係…咁我可以點...」
「我無話唔係 只不過想要一個特別少少既稱呼 」
「仔=.=」他沒趣地說。

為甚麼不會叫肥彬做「情婦」，
因為這個稱呼是我專有的，哇哈。

最後跟安安決定，「姨太」就是他的身份了！