兩極端點 「姬」 於日本漢字解釋為「公主」 沒有白雪公主的氣質，沒有睡公主的可愛； 沒有貝兒公主的勇敢，沒有灰姑娘的耐性。 刁蠻任性但得到周遭寵愛...像公主般， 就參透這活在狹小世界的井底公主， 如何看大大世界吧！

51愛的鼓勵 0訂閱站台

跟蓉蓉吃過晚食後，
和曼娜阿賢到廟街看掌看相。

早上及下午都懶洋洋的，
沒心情做問卷，
和P妹妹談天說地，
嘻嘻哈哈又一DAY。

今天是A小姐掌舵，
做了十份問卷，
算是好吧！

事實，心情糟透，
陪曼娜吃午飯時哭起來，
為甚麼？因為我做不到我想做的工作，
每天只是遊遊盪盪的在找人做問卷，
無聊得很。

和曼娜逛場館時，
收到哥哥的電話。
可憐的哥哥走霉運，
被橫蠻的妹妹發脾氣…
抱歉喲哥哥！

問了哥哥一句：
「知唔知斬人右手要幾多錢？」

下班，到旺角去。

化悲憤為食量，
整頓韓燒，我吃得最多。
四人談談笑笑的，
要將工作的不愉快拋諸腦後喲！

蓉蓉，快樂的時光過得特別快，
今晚的時間較少，等待下回吧！

到廟街，越夜越旺，
找了一位掌相師父，
我是第一位被批的。

「小姐，你都好懶下喎…
又唔捱得又唔做得…
如果六十分係合格勤力的話…
你最多都係得七十幾分咋喎…」
聽後，我哈哈大笑。
我已經向過不少的朋友說，
我是位超級懶惰的人，
你們不信我，都要信信相士喲！
「小姐你要帶眼識人…
好多時借左D錢出去…
好運人地會還…不過多數唔還…
你心地幾好…唔錯咖…
好肯幫人…不過你幫人少少…
人地會幫返你多多…
嘩…你真係丫…你身邊好多貴人…
錫你既人又多…嘩….小姐你…
好多人幫呀你…身邊既人係會對你好好…
你所有都係由人地身上賺返黎既…」
首先呢…
我通常借錢給人家，
都不望別人會還錢的，
事關對方有難才要求別人相助，
所以朋友不還錢，對我來說不大影響。
至於多貴人多人錫…
這個嘛！我不得不由衷同意，
因為由小至大，身邊的朋友都很愛我，
可以說，都沒甚麼人會欺負我的。
若有人欺負我，都會有朋友替我出頭，
果然是「好醜命生成」。

要感激身邊的人喲瑪姬！

三十六歲前的運氣不好，
除了三十三歲的那年好點點外；
因為我懶，所以旺夫不幫夫。
我是遲婚喲！不結婚運氣不會好。

原來我會有半打仔半打女，
阿賢聽後說：
「嘩…成個排球場你霸哂啦…」

「你川字掌…川字掌既人要求好高既…」
真的嗎？
「你第時個老公幾高大靚仔下喎…
不過可能唔靚仔你唔嫁啦…」
哈哈哈哈哈…笑了很久！

其後陪曼娜等巴士，
她覺得說我「多人錫多貴人」很準，
噢…我都覺得呢！

















初初，我是嬉皮笑臉的聽，
一百元正，就當是看齣笑片，
怎料…

「小姐…你兩年幾前有一段好好既姻緣…」
那時，我愕然，面色有點兒變…
聽下去…
「呢個人出現…你地感情好好…
呢個人好好…符合哂你既要求…」
像有鋒利的刀…輕輕地刺我的心…
我笑說：「有無紙巾呀？我想喊呀…」
說真，我很想哭出來。相士續說：
「嘩…你地感情真係好到不得了…
你地應該去到同居…唔只添呀…
應該去到談婚論嫁既地步…」
這句話後，那把鋒利的刀插進心了…
右手被相士捉著看，
但我左手是緊緊捉著曼娜。
我不其然看著曼娜，苦笑…
她猜到是誰，便問：
「如果佢地無0係一齊咁點呀？」
相士說：「下？咁真係嘥哂…嘥哂…
做乜唔要呀？做咩唔一齊呢…真係好可惜…」

我和他都有想過，一起後，
只會加速容易失去對方。
他無條件付出，只會越來越累；
我不停地接收，只會越來越怕。

不禁，嘆息。

獨自步行到旺角，
沿途不停地想：
「真係好想話俾佢知…
不如打個E-MAIL俾佢啦…」
回家後，太累…
亦都因為思前想後，
沒有開電腦。

坐在電視機前，
是工作一天後太累，
還是工作不如意，
又抑或…因為這件事…
我哭了！

沒有抽搐嚎哭，
只是輕輕啜泣，
淚流披面的我，
不停想呀想…
想到我和他如斯地步，
就是因為我一手破壞。

「如果唔係因為我地之間既關係變質…
依家唔會係咁樣…要怪都係怪我太傻…
話俾佢知…其實一直咁保持住咪好囉…
瑪姬你做咩要話佢知喎？做乜要逼佢…」

瑪姬，還記得當初他怎樣對待你嗎？
不論你多橫蠻多無理，他都不離不棄；
你不喜歡他在網上聊天，他便斷線工作；
因為健康，你不想他吸煙，他便乖乖戒煙；
喝太多酒會傷身，他喝酒前總會問你後才喝；
夜鬼的他，知道你不喜歡的士高這些場所，
變得不流連那兒，晚上乖乖待在家裏，
提早睡覺，要有好精神上班…

一切一切…

還是要說句：「再見！」