難得聽聽收音機，
那個甚麼輕談淺唱不夜天嗎？
(…我唔係好記得個節目名…)
一聽，便是Lonely Christmas…
你在耍我嗎？
我在月頭才向一班朋友說，
連阿揚都在場的時候說：
「我今年唔要過Lonely Christmas呀…
唔準唱呢首歌呀~~~~~~~」
甚至早上對他說：
「我要你陪我過聖誕~~~~~~~」
他答應了我！
可惡的！敢問蒼天…
你第一天認識我嗎？
你可知我十分討厭別人食言的？
接著的還有「北極光」，
「今年沒聖誕」…
正在訓練我的忍耐力，
還是挑戰我的理智呢？
幸好，最後有一首…
The best is yet to come。
昨晚收到大力電話，
第一句是：Merry Christmas…
大力，今天只是二十二號…
來不切反應，只給了一個「下？」。
睡到十一時多，
整頓所有東西，
一時多出門，會見安安。
往德福途中，
收到阿賢的電話，
他怒氣沖沖的說：
「瑪姬…你知唔知今朝佢幾咁…bababababababababa」
又是一輪的罵罵攻勢。
噢…姊妹，
你可以不容許自己懶惰，
但不可以不許這個世界有人懶惰。
遲到，她遲了三十五分鐘，
她說她趕不及上一班車。
她還認真需要感謝上天庇佑，
因為我今天放假，若不，
我一定大庭廣眾下「踢爆」她…
怎能不揭穿她呢？
她跟我是住在同一幢，
所乘的巴士是同一架 --- E22，
每二十分鐘一班車，
怎可能是遲三十五分鐘呢？
阿賢還告訴我她們所做的最經典的事 ---
她們將阿賢已整理好的，
即使將Filing好的文件夾再一次整理，
天哪！你不是認為自己所做的會比阿賢好嘛？
在馬莎門口等安安出現，
送她一份聖誕小禮物，
她擁著我說一句：
「對唔住呀…今年陪唔到你過聖誕…」
我說：「唏…等你分左手先陪我啦…」
安安，聖誕節應和愛人一起過喲！^^
在德福逛逛後，
出旺角新之城。
今天約了第七屆機場大使的舊同事，
呵呵呵…很久沒見呢！
與蓉蓉和tracy到旺角的pom café，
見到原本說不來的側大田，
真開心呢！
過了紐西蘭讀書都不忘我們這班同事，
還帶給我們手信，謝謝喲！
Café裏的有位侍應哥哥蠻有型，
我問他：「你叫乜野名呀？」
他說：「下？我叫liquid…」
側大田接著說：
「咁順手攞埋電話啦…」
我說：「下？咁我又唔會…」
哄堂大笑，然後蓉蓉說：
「瑪姬…你嚇親人喇…」
我說：「唏…你知我份人咖啦…
我又無乜所謂既…做得customer service，
唔可以知醜咖~kakaka」
傻的，跟café的人混熟，
將來我悶悶不樂時可以有人傾訴。
以前和full cup的侍應，老闆…
甚至老闆的兄弟都可以無所不談。
(…蓉蓉…你見我可以打full cup老闆手提…
…然後話我係瑪姬佢又記得…你就知我地識左幾耐…
同埋佢教左我好多野咖…所以下次大家同我去café…
我再問café裏員工的名…唔駛驚訝…^^ )
現在只是做回我三年前的事，
很怪嗎？哈哈哈…
本人比較喜歡吹水。
(…以前可以0係café傾計傾到打烊…
佢地攪party又會打電話邀請我地參加…
好似易服party…校服party…諗返都好開心…)
細欣到逹不久便要離開。
一行六人由油麻地步行到尖沙咀，
邊走邊談邊笑，不知不覺便到了。
逛逛海港城，我快步地走進vivienne westwood…
看今年度榮獲「瑪姬一見鍾情」的手袋，
噢…港幣五千三百八十元正。
蓉蓉不停的遊說我：
「買啦瑪姬…有六折呀…
折左都係三千幾…買啦買啦…
最多我幫你碌住卡先啦…」
細欣又加口：「係啦瑪姬…
抵呀…靚呀…買啦…」
我說：「傻啦…
點會自己買d咁貴既野咖…」
細欣和應：「係喎…」
哈哈…瑪姬不是貪圖名牌的女孩，
不買的原因並不是我所說的「等人買」，
只是…
五千元…即使打折後的三千元，
買一個布袋，還有就是它比較軟身，
若放太多太重的東西進內，
手袋會變形的。
雖然它本身很輕，
但以價錢及質量質素比較，
絕對不值呢！
我承認它真的很美很美，
我拿上手後都非常喜愛它，
但平心而論…它並不耐用呢！
(…睇完呢個手袋…即刻覺得小丑袋唔貴…
真皮都係六千幾…布袋就五千袋…
Limited version…限量款都唔係咁貴呀嘛？@_@)
乘坐渡海小輪到中環，
呵呵呵…浪漫。
排隊進冬日節場地時，
Suki說：「唔記得上年聖誕0係邊…做過d乜…」
我同意說：「我都係喎…」
噢…要看看上年日記呢！
到了繽紛冬日節，
失望失望。
大家走到吉野家吃飯，
然後便要分開了。
蓉蓉，下次謹記要向你的父親大人申請，
別忘記，瑪姬每次都要玩個痛快玩個通宵。
Suki、bobo、細欣和我，
到旺角再接再厲，
喝酒去！！
平時是別人替我喝酒，
今夜是我替她們「頂酒」，
哈哈哈…有點找死！
認識了一位豪氣的女孩 --- karen，
和三位男孩 --- joe、剛仔和micheal。
今天才認識的bobo，
突然稱我為「家姐」，
噢…又多了一位妹妹。
這夜不容許自己喝醉…
(…雖然都飲得好多好快…)
因為我還要照顧身邊的三位朋友，
尤其是細欣。
Suki比較硬頸固執，
照顧她，她會不高興喲！
但總是放心不下…
我堅持送suki到地鐵站時，
她對我說：「瑪姬…你唔好咁man啦…
你攪到我好無尊嚴呀…
平時我係你leader…都有一份氣勢0係度…
依家你比我強咁多…你眼神又惡…
你攪到我真係...哎…你唔好咁有威嚴啦…」
我說：「我今晚出得黎…
就唔當你地係同事…而係朋友…
你係我朋友…有事我點可以唔理？
仲有…放下你leader既包袱啦…
我係要照顧你咖喇…你可以唔鍾意…
但係你唔可以趕我走…」
我都覺得，這點有些像個男孩。
原來，和細欣同病相憐。
她比我可憐，她剛剛才…
給細欣：
波仔…即使我地唔係成日見成日傾計…
但係我好相信一樣野…就係個個都好錫你。
0係大家心目中…你真係好可愛！
你一d都唔易呃…只係女人對住自己鍾意既人…
會特別容易蠢蠢…唔奇怪喲！
唔…好對唔住…
瑪姬只係一個聆聽者…
但唔係一個識得俾意見既人…
我又唔識得安慰你…
但係見到你喊…我都心痛痛咖~>”<
乖呀~~~~記住無論發生乜野事…
我地都0係你身邊…
無論你做任何決定…
我地都會支持你…
因為
你係我地既朋友！
女孩們的心事…
「瑪姬…你太強喇…
咁樣對你唔好咖…」suki說。
又太強？
其實我是十分脆弱的，
為甚麼總會給人這個錯覺？
工作上，也許我是很堅強，
但事實上，我是很易被擊倒的。
細欣說：
「你同瑪姬做野的話…
你就知道乜野係認真…」
哈哈哈…多謝誇獎。
謝謝阿joe的一段話：
「你地四個呢…好明顯就個個都唔開心咖喇…
不過睇得出你係最唔開心既一個…
你係一個不停追酒飲既人…
每個人都有自己既煩惱…
有時將唔開心既野同人傾下…
分享下…唔好自己屈埋0係個心度…
講左出黎…你會無咁辛苦…」
只認識了六小時，
突然說出這番話，
我都來不及反應。
有時不是不想說，
若果只是一個人，
亦即是我的煩惱，
我會毫無保留的傾訴。
但若果事件是牽連到其他人，
就像這次…
除了我，
事件還有男主角。
我單方面說得太多，
只會對他不公平。
他有沒有傷心，我不曉得；
他有沒有捨不得，也不曉得；
他是否承受一樣的，亦不曉得；
他有沒有真正投入過，更不曉得…
我只知，
無論他多可惡多壞旦…
都是一位我喜歡的人。
我的朋友不認識他，
朋友們對他的認知，
只靠我說的來評估…
我實在不願意
令到他會在我朋友堆心目中的印象差。
他可以自我營造一個壞人身份，
他可以自我編製一個極惡形象，
為甚麼他要在我面前說：我是壞人。
我不清楚，只知…
不太忍心說一些毀壞自己愛人的話。
文章定位：
