噢…今早坐巴士，
睡著，不停撞頭，
同一個位置撞三次，
照鏡，見到腫起來，
紅紅隆隆的…痛！
昨晚雖然二時多三時才睡，
但沒有練習電腦公式程式，
噢…留待聖誕點點的空餘時間。
早上又做filing，
看到令人勞氣的同事…
你不是吧？兩個人整理一個文件夾？
我一個人整理的那個比你還厚兩倍，
還將兩個文件夾整頓成一個文件夾，
都比你們快…你們在攪笑嗎？
做到一半的時候，
被christine召喚，噢…
趕快地完成手上工作，
再到christine面前為她辦理其他事務。
大概十一時，
Aronld教IDS…
他說：「你識啦你…你教喇一陣…」
不是吧？
沒錯…我上班幾天便要獨個兒做IDS，
但你也不可以不教而我教嘛…別耍賴！
他不停地重復地說：
「你地明唔明呀？我唔係問你…我問佢地三個…
你肯定識啦…你都做過…」
真是有點不是味兒。
雖然你所說的大部份我已經知道，
亦試過獨自解決，但…
也不用句句都是這樣吧！可惡…(一___一)”
一時半下班，
三姊妹 --- 我、阿賢和曼娜，
到東薈城吃下午茶和逛街。
整個下午茶吃了大約個半小時，
談談笑笑的…原來大家都有點怨氣。
就是那個只會增加我們工作量的同事，
要叫救命呢！她從來不感到內疚的…
有點兒頭痛。
「我同O仔上左office做野…以後辛苦你喇瑪姬…」
阿賢，不用那麼坦白的，
也不要打擊我呢！
「不過瑪姬…講真…你乜野人都見過…
我諗佢都唔係好嚴重0者…再難頂你都頂到…」阿賢說。
「你記住唔好忍呀…你一有唔鍾意就爆啦…
如果唔係你會好辛苦咖瑪姬…」曼娜說。
兩位姊妹，謝謝你們的關心唷！
認識你們，我感到非常榮幸呢！
逛街時，大家都笑得反肚。
阿賢說：「我第一日識你就知你異於常人啦…」
我說：「唔係呀嘛…我第一日好正常喎…」
他說：「唔係！絕對唔係…
只不過你第一日係比依家正常…」
我說：「O仔呀~~~~佢咁樣話我呀…」
曼娜說：「唔好嗌我…我已經分唔清正常同唔正常喇」
噢噢…連曼娜也…
他們說的東西，
上一分鐘說後，
下一分鐘我忘記，
曼娜說：「慘喇！我部PDA又壞左喇…」
哈哈哈…
很喜歡曼娜這樣說，
因為她是一位沒甚記性的人，
而我是一位記憶力超強的人，
我說我會替她忘下所有東西，
自此以後，她便叫我做「PDA」。
當我一有東西忘了時，
她都會說以上句子。
逛我最愛的TASTE，曼娜口乾，
要買飲品。由於TASTE比較大，
大家都怪曼娜不經過時拿飲品，
她指著調味料一區說：
「我諗住攞支茄汁飲…」
哈哈哈哈….那時我已經笑到不停，
正當我想說話時，阿賢超快的說：
「阿娜姐…你話飲醋或者喼汁會唔會好D呢？
茄汁好似比較“漿口”喎…」
聽後，我笑到標眼水，然後說：
「我都係諗住講比較杰身0者…
漿口你都講得出…真係無得頂呀！」
大家都沒有收獲，
真好，沒有破費。
和阿賢乘巴士，
他的女朋友真是「可愛」，
是一個典型、經常扭計的小女孩唷！
我說：「嘩…一分鐘兩個電話…」
他說：「係咖…」
我說：「我好少打電話咖…
就算連男朋友都好少打…」
他說：「唔係呀嘛…我唔同佢傾電話佢會唔開心咖喎…」
我說：「下？我試過一個星期無打俾男朋友…」
「咁佢有無打俾你？」
「無咖喎…一個星期無講電話…
半個月無見…」
「咁你地算係拍拖咖？仲衰過無…」阿賢說。
哈哈哈…
我倒沒所謂，
因為我比較喜歡見面。
再跟他說我生日那夜發生的事，
就是送喝醉的他回家，阿賢說：
「哈…你地真係好型…
你生日但係送人返屋企…
真係無野好講…」
閒談間，他說：
「佢知唔知乜野係Ky呀？」
不說阿揚，
說那個…
認識兩年的男士，
哈哈哈…
阿賢說我認識的男人都很Ky，
我說可能是近朱者赤，
我認識的人都怪怪的，哈哈哈…
「我好記得我第一日見佢既時候…
係一大班friend0係酒吧…有個女仔指住佢同我講…
“佢係傷女王黎咖…小心d呀”…
然後我講…“哦！放心…佢應該傷我唔到…”」我說。
「咁你呢d咪叫“口孽”囉…傷唔到你丫喇…
人地依家好明顯等緊傷你一鑊甘啦…」阿賢說。
「乜野係“口孽”呀？」我問。
「即係自己講完野就瀨屎上身呀…
咁串丫喇…傷你唔到丫喇…
依家人地咪開始試下傷唔傷到你囉…」他說。
「哦….即係禍從口出囉…」我說。
在巴士上我們太多金句了，不能盡錄。
原本想在德福和安安匯合，
送她聖誕禮物，
但她已經到了將軍澳了，
還是遲點才送。
想選購廿六日的小禮物，
沒有心水喲！
看到阿賢用盡心思選購給女友的禮物，
他對我說：「話哂第一次過聖誕有情人…
唉…估唔到會咁花費同咁頭痛咖…」
我皺眉頭地說：「喂！好喇喎…
我係未試過同男朋友過聖誕咖…
仲岩岩個十一月好甜咁講話聖誕要同男友過…
依家咁喇…你仲要講喎…」
「唉…sorry囉瑪姬…」
「咁又唔駛sorry…
可能因為我plan好哂要去邊啦…唉…」
「不過我覺得自己真係好犀利…
到依家…我真係無喊過…」我還未說完，
阿賢便插咀道：「痴線！
佢俾個咁既理由你…嬲都未黎得切啦！
你唔係喊呀？我鄙視你咖…」
哈哈哈…笑到反艇。
由於他的樣子實在太詼諧，
所以我笑到不能控制。
「你小心笑到腸抽筋…」
七時多，回家去。
期待已久的聖誕，到了！
說真，我早在十一月十一日說：
今年要同男朋友過…
那時，我在海運大廈外，
看到正在佈置的聖誕飾物，
經已暗暗的許下願望…
很想很想和阿揚一起呢！
(…0個陣已經諗緊要去邊度慶祝…)
當時的心情和感覺，
到現在印象都很深刻…
雙手合十，甜甜地笑盈盈的說…
雖然往後幾天的安排，
像是密密麻麻的，
但都是欠缺些甚麼。
那是甚麼？
就是只有你可以給我的擁抱和溫暖。
文章定位：
