被騙的感覺不好呢！
公事的，明明說是廿二號，
現在告訴我合約還未完成，
要改至廿七號，噢…
那我為甚麼要今天last day？
私事嘛…討厭！
說得出但做不到…
一朝早被思惠打打打…
「死瑪姬…做咩最後一日都唔同我講呀？
做咩瞞住我…衰人衰人」
「咩呀~我諗住早兩日話你知…
唉…都唔知邊個sick leave sck左兩日…
你仲怪我？」
「哎吔~~~點解要走得咁急呀…
你真係好衰咖~~~哎…唔捨得你咖…」
哈哈哈…
看到她怒怒的，好笑得來有點心酸。
最後一天，以為可以見見大梁，
怎料他腳受傷了，請假一個星期。
嚇了一嚇
問辦公室兩位小姐，
她們說我今天是last day。
打電話給祖兒媽，問：
「joey媽呀…點解我係聽日返工…
但係o仔係廿三號既…
我係唔係早佢一日呀？」
她說：「唔係…你都係廿三號呀…」
我說：「下…唔係喎…我寫辭職信係寫今日last day
你話我廿二號返工嘛…」
「下？唔係…你聽日先last day嘛…」
「唔係喎joey 媽…我記得好似打22號係effective day喎…」
「係咩？我明明叫你打二十三號咖喎…」
「邊係呀袓兒媽…你叫我打二十二號…」
「乜野呀…我係同你講二十三號新工…
二十二號lasy day嘛…」
「哎…你攪到我好亂喇袓兒媽…
究竟點咖？」
「不如我幫你check返總會啦…」
「好啦好啦…」(=_=)”
肥仔文在我旁邊在聽，在笑。
迷糊中。
到甲三探望思惠，答應了她嘛！
然後到西宮五樓，
那個積奇仔太過份了！
竟然工作了兩個多月，
還問我甚麼是e-ticket，
最離譜的是問air india的handling agent，
怎麼攪呀？？
到達後第一時間便捉著他問話，
叫他熟背所有航空公司的資料。
到甲甲資料庫，強仔不讓我離開唷！
他說：「你唔係走呀？你last day都唔陪我？」
我說要拿水給肥仔文，
他續說：「飲咩丫飲…叫佢飲遲d啦…
你唔係真係攞俾佢呀？」哈哈哈…有趣。
被師傅張伯多祿捉住，對我說：
「喂~瑪姬見到你真係好呀…
你得閒去west hall departure丫…
抖先大madam見到d同事…
即係點講呢…唔係咁proactive囉…
岩岩佢就係打電話落黎嘈喇…
話點解你地班aap淨係掛住傾計唔serve客…
你話下佢地啦…唔係話唔俾佢地傾計呀…
但係有客既時候就要佢地serve客啦…」
「多祿…你唔係要我出聲呀？」
「幫下手啦瑪姬…」
「我last day唔出聲咖喇…等d acting 做啦…
我叫肥文過去話佢地好唔好？」
「咩話…？你last day？今日呀…？
攪錯呀？你走左咁邊個做野呀？」
「乜野呀…成班acting都好努力做野咖…」
「點同呀？你出聲唔同d咖…」
「我明…我話哂都叫正牌leader…
我鬧佢地都係份內事…但係都要俾acting做咖…
佢地身份係尷尬左d…你俾少少時間佢地啦…」
多祿，給機會新人吧！
午飯到台灣牛肉麵食麵，
杜比肥文強仔還有ida，
一共五人，飲飲食食又開心。
飽飽後，回五樓西宮。
巧遇kelvin，有事找他唷！
我和肥文告訴他同事的可怕問題，
他都說：「咁得人驚…？」
對呀！兩個月喇…
還問一些簡單到像喝奶一樣的問題，
你說驚人不驚人？
又再編deployment，
最後一次喇！
編到差不多時間，
肥仔文對我說了一句很深印象的話：
「leader…我放break喇…」
「你都痴線…你都係leader啦…
你又唔係team 6…我唔係你leader…」我說。
「痴線…我記得咖…你係我leader…
我記得我一入黎既時候…你就係我leader
我係跟你咖…」
感動的一句話，
有點…「一日為師，終生為師」的感覺。
哈哈哈…誇張唷！
瑪姬就是很易感動。
Kelvin找我，和我聊聊天，
問我關於新工作的問題，
還有就是給我reference letter。
我告訴他，新工作應該會辛苦，
無超時工作，會不定時工作，
但我可以學的東西，見識很多，
還有可以接觸更多的人。
最重要的是…這份工作可攻擊我的短處。
不是嗎？
一向以來人際關係的管理我是最差最弱的，
這次是一個很好的機會給我改好自己的弱點。
我喜歡向我的缺點著手。
當初選擇這個機煬大使，
是很怕不能勝任的。
因為向來我都是沒禮貌的人，
沒有耐性、沒有笑容、
不能控制情緒、激動衝動的人…
第七屆過後，我不可以說自己做得很好，
但「最佳機場大使」這個榮譽，
給了我一個肯定。
第八屆當領袖，更向難度挑戰。
現在要走了，就是要讓自己更上一層樓，
應該是說…不止想上一層樓，
而是更高更圓滑更巧妙的交際手腕。
還有對他說那個問題男孩，
我坦白的告訴kelvin…
我真的沒有針對他呢！
看到一位經常鑽牛角尖、
思想偏激、容易被人利用的人，
說真，我是最想幫助他的。
我承認我喜歡取笑他…
(…咁佢真係好值得俾人笑嘛…
成日講d野無厘頭又俾位我入…
有人俾我串我唔串…
有位俾我入我唔入…罪大惡極呀~>”<)
但不等於我歧視他。
我曾經努力地踏出很多步，
是希望以我的能力幫助他，
可惜他不領情，那我唯有放棄。
他在這兒，跌得不夠傷、
跌得不夠痛、碰的釘子不夠多、
被人狠狠奚落不夠多不夠毒…
我知道，他被人重重的擊斃後，
也許要多番多次擊斃後，
才知道自己的問題。
為甚麼我會這樣想？
因為…我就是狠狠的跌過後，
現在才正常少少。
反思，是重要的一環。
談到中段，早更同事入來做de-briefing。
謝謝肥文給我機會主持這個de-briefing。
嘻嘻哈哈的…
他們逐一離開後，
與思惠和阿賢拍個照，
思惠…你的樣子究竟是累，
還是不開心？像心事重重的樣子…
是我太敏感嗎？
Kelvin離開前，給我祝福，
謝謝你一直教導我和扶持我。
經過甲甲資料庫，
和第七屆的師傅carvana拍照後，
到各崗位探望我組下的女兒們。
七時半，這次…
是我最後一次和他們的de-briefing，
也是我主持。
本來強仔和edwin都是散開坐在梳化，
我對他們說：「坐返埋黎啦…
今晚我hold de-briefing呀…唔係唔俾面呀？」
強仔說：「mentor唔黎咩？你hold呀？
嘩…你hold的話…唔聽都要坐啦…
做個樣俾你睇都要既…」哈哈哈…謝謝強仔。
De-briefing完了，大家都更衣離開。
相約在辦公室見面，
然後再進禁區吃飯。
被強仔騙了！
他告訴我約了人在東涌，
原本不想放他走，
但他最後都是離去，
那唯有讓他走吧！
怎料我們進禁區後，
他在我們的後面出現…
謝謝唷！
又是到台灣牛肉麵，
今日我變了台灣牛肉麵人唷！
氣氛輕鬆的飯局，
被組下的囡囡問道：
「瑪姬點解你走唔同我地講呀？」
「下？駛乜講0者…
我依家唔講你地都知啦…
其實都唔駛我出聲既…哈哈哈」
「咁唔同咖嘛…」
「傻妹黎既…我走左都無影響咖…
我走左你地都係咁做野咖啦…
有無我都係工作照常咖…」我說。
「唔係…咁你早d同我地講…
我地同你攪個farewell嘛…」
「痴線啦…唔駛咖~
其實你地幾個同我食飯就好開心喇…
駛乜farewell0者~」
基本上，我不喜歡向別人交代，
說我冷漠也好，說我不辭而別也好，
讓我瀟洒一點，不好嗎？
杜比與強仔經常鬥咀，
其間，強仔說了一句讓我驚訝的說話：
「我俾面瑪姬咋…如果唔係都唔黎食飯呀…」
真是…
強仔是一個十分自我的人，
要他給別人面子，是很難很難的。
謝謝！真是謝謝！
我沒想到他會給我面子呢！
飽飽後，和杜比拍照。
她陪我到巴士站，
談了很多話。
已經很晚了，
她還陪我，待到有巴士，
真不好意思呢！
她明天還要上班的。
上巴士已是十一時了。
很累很累，
但我睡不著。
合上眼，睜開眼…
回想到很多和同事的片段，
有點感慨。
真是捨不得的！
瑪姬今夜乖乖唷！
沒有哭…
謝謝組下的女女suki的電話繩，
還有思惠送給我的小銀包。
尤其是思惠的禮物，
紫色包裝、金色絲帶、
內裏是一個紫色的貓貓小銀包，
謝謝你！喜歡的紫色及貓貓，
你都送給我唷！
回家後，洗澡。
看到自己的肚子漲漲的，
肚腩凸了出來喇！
可惡！你們使我肥肥喇！
若我男朋友因為我肥了而不要我，
你們可要負責任唷！
答應杜比的事，
那就給我一些時間，
讓我整頓我的記憶後，
便會出現。
文章定位：
