兩極端點 「姬」 於日本漢字解釋為「公主」 沒有白雪公主的氣質，沒有睡公主的可愛； 沒有貝兒公主的勇敢，沒有灰姑娘的耐性。 刁蠻任性但得到周遭寵愛...像公主般， 就參透這活在狹小世界的井底公主， 如何看大大世界吧！

51愛的鼓勵 0訂閱站台

今天心情反覆。
睡眠不足，令到人很暴躁。

直到收到小尼電話…

一上車，即合上眼。
不久，收到電話…
由於用免提，所以不知是哪位。
談了一會，依然猜不到是誰，
拿出電話來看，喔…是你唷，bebe！

「咦？乜原來係你黎0家？」我奇怪地說。
「係我呀…你唔知係我黎0家咩？」你說。
「sorry囉…我訓緊覺嘛。」

自從那件事發生後，
每次放工一上車，
我便一定合眼。
不要管我睡著不睡著，
總之不想看沿途的景色，
最緊要是不想在車上保持清醒。

「哎吔…我好鍾意你依家咁講野呀…
今晚同你傾計好開心呀…」我笑笑說。
「下？點解呀？」你問。
「尋晚你女朋友0係你隔離…
你0的語氣好差0家…好似好唔歡迎我…
所以我都0拿0拿聲收線…」

是很明顯的分別。
當你自己一個人的時候，
跟我談話時總是軟軟的，
比起有女友在旁，
簡直是溫柔十倍。
你知我是一位敏感的人，
變了語氣態度，是逃不過我雙耳。
一覺得不對勁，我便會質問你，
也許，你也知我是愛找你麻煩，
所以你都不會惹我不高興呢！

「嘩…乜野天氣呀…好熱呀…」你說。
「唔係喎…我著左三件長袖衫…
有一件仲係間棉0既長褸添…」我說。
「咁嚴重？我覺得好熱喎…」你說。
「但係我凍到對手都痛喎…」我說。
「你飲紅棗水啦…個人會暖0的…」
「我有飲0家…………」
「有飲？有飲都咁？好明顯飲唔夠啦！
飲多0的，不停飲…」你插咀，帶點惡。
「…我都無時間煲……」正當我想說話，你又插咀。
「駛乜自己煲0者？買沖水0個0的咪得囉...
有一隻0係sogo樓下買0既一隻……」你連珠發炮。

「…你聽我講先啦…」我嘗試截停你。
「你聽我講啦！去買黎飲啦！」你依然惡。
「我見天氣暖返…咪唔飲住…等凍0的先囉…」
「邊關事0家？依家飲都得啦！點會凍先黎飲？」
「bebe…無用0家…我上年都有飲…我都照樣係凍…」

***超惡地…***
「我依家同你講緊今年，你講上年做乜鬼0者？」
我無奈，但依然慢慢向你解釋：
「唔係呀…我只係想話你知…我試過都唔得…」
***依然惡…***
「上年飲0左唔得，唔代表今年唔得！
你趁天氣未凍好飲多0的」
「……………」我無言。
「聽唔聽到呀？買黎飲呀！」帶點命令的你說。

「…做咩鬧我喎？我凍都唔想0家…」我憤憤地說。
「無無無…我邊有鬧你呢？我關心你…」你語氣立即放軟。
「好明顯你就係鬧緊我！」我有點生氣。
「千其唔好咁諗…絕對無0的咁0既事…」你“補鑊”地說。





「你心情好返0的未呀？」我問。
「好返0的啦…如果唔係都唔會同你講聖誕快樂…」你答。
「你試下唔同我講聖誕快樂吖…我一定會唔理你…」
「你唔會咁小器0既…」
「咩呀？我會0家…起碼嬲你兩個禮拜…」
「咁我依家都同你講左聖誕快樂啦…
難得我記得…好多時我都係過左先記得…」你狡辯。
「唔係我尋晚打俾你…你會記得我0既存在咩？」我怪責你。
「又唔好咁講…有時係過左懶得講0者…」你說。
「係呀係呀…遲0的要我過左身你先記得我0既存在喇…」我說。
不是嗎？你真有試過，我給你短訊，你不理我。
你承諾過電話會長期開著，任何時候都可以打給你，
但我上次留言了，你都沒有回應。
下次若被我捉個正著你沒有開電話，便是你的死期。


無聊，問起你的遊戲機。
「借左俾人玩啦…」你答。
「下？咁點解你唔借俾我玩呀？」我問。
「你要玩咩？你早0的講嘛…咪攞去囉…」你答。
細問下，知道你借給別人的私人原因。
「下！咁你有冇同佢計呀？」我問。
「無呀…」你答。
「邊可以咁0家？bebe…你唔可以咁善良0家…
好蝕底0家…咁你會俾人蝦0家…
快0的搶返部機返黎啦…」我激動地說。

我竟然…對著這位…
出名是惡人的小尼，
說他善良，很嘔心！
無可否認，他是很善良，
但，依然是位很兇惡的人，
很多人都怕他呢…除了我！

仍然內疚的我說：
「不如我俾返個袋你啦……」
「點解呀？」你問。
「咁你咪可以放左0個袋囉…」我答。
「咪傻！」
「我好認真0家…」
「我都好認真…你聽唔出咪傻0個兩個字好有威嚴0家咩？」你說。
「……嗯………唔覺。
我覺得你鬧我唔飲紅棗水0既時候有威嚴0的…」我說。
「我都話我無鬧你咯…」你無奈地說。



謝謝你。
談了三十七分鐘，我輕鬆了不少。