好玩之必要 生活很平淡，好玩就好。 設部落格，寫作，旅行，畫圖，練書法等等，都是出於好玩。 好玩就玩，不好玩就不玩。 隨緣。

332愛的鼓勵 11訂閱站台

我的朋友阿將一向反應緊（快），講話笑詼（tshiò-khue）笑詼。

幾日前，伊接著一通某單位的電話，調查網路的使用情形。

有使用網路無？ 每日平均使用偌濟（guā-tsē，多少）時間？有看電子新聞、電子冊？會佇網路買物件？訂火車票？表演的票？有面冊（臉書）抑是其他社群網站無？……

遮的（ tsia--ê，這些）問題伊攏照實規規矩矩回答，後來，對方講in（他們）欲設雲端資料庫，「毋知你有啥建議？」

阿將猶未回答，對方煞問，「你知影啥物叫做雲端無？」

「知，我讀過《西遊記》。」