陽光．彩虹．「夢」星雲 夢．星．雲 不應分離 是時候讓他們重聚 「夢星雲」的世界裡應該充滿愛與理想 讓愛的和煦璀璨入夢 讓理想的勁擦亮星星 讓澄明的心洗滌白雲 不單要凝聚，還要有陽光與彩虹

103愛的鼓勵 0訂閱站台

1.11.06,星期三. 「飯聚(Madam)」

是日又要返威院做物理資料啦!但今天我以狂風掃落葉式完成所有治療，所以三點多o的就可以走人了。時間雖早，但我沒有選擇四處逛，而係返屋企休息一下，待到五點幾才出門口往旺角去。其實出旺角沒有什麼目的，順便幫阿Mon買個免提外，就是為了在旺角轉212，是關我今晚約了Madam在黃埔食飯，但唔想在紅磡等6號Van等餐死，所以就揀出旺角轉212，保證上到車嘛!其實向旺角都唔係係行o左好耐都已經七點幾，是時候坐車過黃埔，去到黃埔Madam也剛剛到。今晚我們選了去和民食，一路食一路傾，聽到Madam婚事的煩惱，連我都替佢煩埋一份，但可惜我又無咩好計策可以幫到佢，不過我對她有信心，一定能夠克服這個難關的，因為之前妳有什麼未經歷過呢!但話說回頭，阿華真的要爭氣點，唔好成日要個女的咁操心啦，做男的好多事情上面都應該開聲和主動點，免得女的難做呀!
傾到十點幾，是時候說別了，送過Madam搭車，買埋細妹的飯盒我都歸家去了。

2.11.06,星期四. 「飯聚(Pinky)@周XX生日快樂」

今日收工本來去買食送返屋煮飯的，但點知Pinky下晝打來約食飯，所以丟低了細佬妹要他們自己煮呢!
由於Pinky又生病了，所以今晚揀了清清o地的去”魚米家”食飯，一路食一路傾，講到Pinky的病真叫人擔心，Pinky妳真的要小心呀!妳真的需要搵番個人照顧妳先得，因為我唔想我朋友之中有一個咁快就死o左，如果妳真係死o左，我會哭的，所以妳要保重身體，我還要飲妳個餐，妳唔可以死咁早o架!
食完飯去了逛大眾，Pinky買了兩本書，我就買了一隻CD，與此同時她看中了NICI的一隻Tiger，她嚷著要買呀，結果......上了NICI的正舖，買了一隻給她作為「生日或聖誕」禮物~~(現在我想，當生日禮物or聖誕禮物好呢?因為我都有得收番份的，收生日or收聖誕好呢?)
買完Tiger，去了睇電話，然後出七樓的空中花園坐陣間閒聊一番，此時，我拿出我今日的戰利品「百事Snoopy搖鈴」出來把玩，發現原來每個搖鈴所發出的響聲是不同的，基於我覺得它做得幾精緻和幾特別(真的可以響兼奏出不同音調)，所以我決定會買個Box入起佢擺在客廳。
由於空中花園開放時間至十點，我們坐到夠鐘便離開，然後去埋萬寧買o的o野先說再見。
Pinky，妳真的要小心身體呀!
今日是周XX(因她不願別人公開她的真實姓名)的生日，我在夢星雲特別為她送上祝福，祝她工作順利，兼且成日都收到禮物，最好又收多部PSP，可以有我份...哈哈~~呵呵~~!!再一次祝她生日快樂!

3.11.06,星期五. 「尋兔代啟事」

今日沒有什麼特別，都是照例做到隻o野咁!

另本人現正幫心心尋找她幸福的重要一環:「melanie兔」
所以現透過夢星雲，刊出心心的尋兔啟事:

名字：melanie (miffy在外國認識的好朋友)

特徵：身形略胖，皮膚呈朱古力色，耳長，咀部被畫上交叉

如有任何人士曾於本地見過此兔仔，得知其銷售地點或掌握相關消息，

請盡快以電郵或留言形式與本人聯絡，本人自當萬分感激。

擇自<<心甜小棧>>

希望各方好友知道melanie的下落，第一時間通知我一聲，謝謝大家!!