陽光．彩虹．「夢」星雲 夢．星．雲 不應分離 是時候讓他們重聚 「夢星雲」的世界裡應該充滿愛與理想 讓愛的和煦璀璨入夢 讓理想的勁擦亮星星 讓澄明的心洗滌白雲 不單要凝聚，還要有陽光與彩虹

103愛的鼓勵 0訂閱站台

4.11.06,星期六. ”預料的成績單”

昨晚收到成績單，一打開正如我預期的......我上次說過什麼?為何再一次這樣?我真的十分無用，我對唔注自己、對唔注關心我的人，但最終最對唔注的還是自己!
但另有安慰，因好開心的收到第五十個愛的鼓勵呀!!!

5.11.06,星期日.

唔係好記得了，應該是出了旺角逛，又係一個人個隻。

6.11.06,星期一. ”受辱”

今天發生了一件事，但我不會寫在夢星雲，因為受辱，十分憤怒!!
延至晚上，不能入睡，搔擾了Madam趕功課，對不起!

8.11.06,星期三. ”新手機”

今晚收工同媽咪去買新手機，但點知連自己都買埋一份，我原本不打算買的，但賣電話的話我知我部”毛仔”仍值一千，我和同場的Mon和媽一聽到都有一個共識就是即刻”賣”，因我部機幾日前聽筒位置仍是壞的，但不知什麼原因星期日晚突然無事，故此我見我部機仍值錢和現在沒有問題，一於放o左佢，買部新的，但因我部”毛仔”有不少資料要匯出，所以我先買了新機，第二晚才將舊機拿回舖頭換錢。
由於屋企多了兩部新電話，所以晚晚都忙於搞新機，日記自然無時間寫。

9.11.06,星期四.

收工拿部舊手機去比人，人家一路檢查我一路驚，驚部機突然又壞，我的一千大塊就凍過水，不過最後還是平安的收到錢。

10.11.06,星期五. ”還錢呀!”

今晚收到一個消息，就是知道某君收番他的”債”，咁即係我可以取回我的賠償啦!!還錢呀!還錢呀!絕不容許你賴皮!!!!!

11.11.06,星期六.

是日短週，早上去銀行查詢罰款，幾經查證，原來是幾個月前的事...又會咁o既，罰款不是即時比，儲埋一次過先收人，真的被佢嚇壞!
下午什麼節目都沒有，所以走o左入大埔同個債仔和他的妹妹與榮少食壽司，然後陪他帶隻傻狗去拆線，跟注送埋返歸，咁就一day了。晚上在大埔買了好好味的鹽焗雞回家加料，正!

12.11.06,星期日. ”國父中山先生誕生140週年紀念”

今日是國父孫中山先生誕生140週年紀念，本港郵政署特別發行了一套紀念郵票。小弟我雖然已經無再訂郵票，但今早專登早點起身走去郵政局，買番一set，因為國父--孫中山先生是我最尊敬的偉人，亦是我的偶像。
買完郵票，入葵涌與爸媽陪婆婆飲茶，跟注就一個人返沙田行街”買衫Shopping”，大家可能覺得奇怪李俊釗竟然會買衫Shopping?哈哈~~我自己都覺得怪，不過是真的，因為我的手袋和波鞋都爛了，非買新的不可，再加上想買件作客波衫很久的了，所以今天一次過買晒!一個人買o野左一袋右一袋，一於先番歸先，因今晚都唔知有無飯開，如果無就煮公仔麵便算，不過好彩，爸媽都回來食飯，還有細佬，我們今晚去了euro go go，好好味的pizza和薯蓉哦!

13.11.06,星期一. ”眼水都出埋”

今天放全日呀!可以睡晏一點，所以十點幾先起身，食過早餐都成十一點了，所以沒有吃午飯，睇埋套星空反擊戰先去做物理治療。
今日的物理治療進入第九週了，亦即係開始正式練力，這一練真厲害了!練到我眼淚都差點o必出來，大家估我怎樣練?先來三十o下推鐵...咩呢?唔識講，這個勉強做到，第二就是十分鐘舉錏鈴...這個最要命，一公斤、一公斤足夠取我的命，無事的右手當然輕而易舉，但左手就...唉~無計，要繼續練，令隻手恢復正常呀!