好一場了無濕意的雨 "外邦人虛無的神中，有能降雨的麼？天能自降甘霖麼？耶和華我們的神阿，能如此的不是祢麼？所以我們仍要等候祢，因為這一切都是祢所造的。"[耶利米書十四：22]

559愛的鼓勵 3訂閱站台

子暨臨別贈言,沒有那些"我不在以後你要好好照顧自己"的體貼說話,不過有以下訓話。

"我真係要同你講清楚, 你再係咁落去唔得架! 你宜家就變左一部工作機器,你唔諗下你當初點解要入黎? 仲有呀, 我覺得你個人越來越無自信, 你以前讀大學都唔係咁架..."

"我讀大學時都無咩自信。"

"唔係! 你讀大學果時唔係咁ge!"

"...繼續講啦, 我需要一點鼓勵。"

"我宜家唔係鼓勵你, 我係要鬧醒你! 做我地呢行如果無自信仲做黎做咩呀?! 所以, 醒醒定定, 重點係你宜家'挨騾仔'唔緊要, 你要為日後打算。"

.....

"記住呀，唔好妄自菲薄，如果你成日覺得自己唔得唔得，人地都會咁睇你架。...你要搵到你的特色！"

 

之後他說要請我食飯。

”反正我都好似未試過請你食餐好ge。”

對上一次兩個人食飯，已經是兩年前。我們到公司面試之後，到他家樓下食店，兩個人邊食邊講未來倘有的工作和理想。甚至知道面試成功之後，都為過好些事有許多掙扎，晚晚要通電話互相做心理輔導。子暨說，想起都會感慨的。

 

兩年後我們在事業上要各走各路。

 

這兩年我卻發覺自己行行下唔見左志氣，再行行下又唔見埋自信同勇氣，接著住消失的是理想、目標和方向，唔見左咁多野，真係有排搵...

 

2009-6-4