Ｉ ＤＯＮ’Ｔ ＴＨＩＮＫ ＳＯ～～
呢個就係演唱會造型，可能要襯番國內演唱會果個宣傳照啦，比起國內果張真係唔係幾靚，硬係怪怪地咁樣～～
（呢張就係國內演唱會造型，一睇隻手就知邊個真係識彈結他架啦～）
前兩篇話官網訂飛仲未有消息，原來官網係收集左訂票既數量之後，再同唱片公司要門票，尋晚９點出左個貓通知，官網終於落實兩日都可以拎到所有票喇，因為兩邊都大把人爭ＶＩＰ位，根本唔夠派，仲話可能要電腦抽籤，唔一定人人都有票添～～
而家就話４號會公佈匯款既方法，到１５號至開始匯款，咁都好既，起碼唔駛成日得個『等』字啦～
國內演唱會就係拍住ＳＨＥ做既。香港呢個只係得東南西北。
８月９號，東南西北佢地黎荃新天地搞簽名會，宣傳演唱會公開售票。拎到ＰＡＳＳ仲可以上台拎親筆簽名海報添。我只係得一張ＰＡＳＳ，因為尋日開始去商場買滿４００至有得換一張，好彩我之前就想買兩條運動褲做運動時著咋。仲要係我去換既時候都已經係７點咁上下，不過都好彩仲未換晒，仲有ＰＡＳＳ。今日就換晒喇～
好驚佢今次會出去露天既地方搞，咁就一定會中暑喇。早幾晚我同媽做完ＧＹＭ去買第二日早餐時，剛剛見到古巨基、蕭亞軒就係露天公園度做ＳＨＯＷ，雖然已經係夜晚，但係見到都熱死喇。仲要好多人逼到冇路行添，今次阿飛既ＳＨＯＷ仲要３點搞，最熱既時間去排隊，我諗唔駛好耐我會濕過上次阿東去ＡＰＭ果陣呀。到時要狂飲凍野至得喇！
雖然唔想咁熱，但當日千祈唔好落雨呀～～
唯一遺憾就係，阿南佢無啦啦要去當兵，仲要今日３號入營添，唔黎得香港宣傳，變成三缺一。聽講佢真人冇咁醜樣，但係好多相影到佢都唔係咁靚（又係射哩眼既問題），而且另外三個都靚仔過佢好多，所以成日俾人彈佢個樣。不過好彩佢因為捱到五癆七傷，所以只係當１２日散仔兵就得喇。咁只有等去睇ＣＯＮ時至睇佢真人啦～
文章定位：
