呢張相其實已經影左成三個禮拜，都唔知寫咩好。
相中人就係我當時葵興返工時既舊同事，冇想到大部份都未走，剛剛又約我食生日飯，咁咪出囉，橫掂都未試過呢間海港城既咩咩咩餐廳。
食左接近三百蚊，原因係唔止一個生日，要請兩個。。。好甘好甘，下次真係早講啦，好似監生出去俾人劏咁。樣樣野又都好似餵雀咁少，都唔知食左Ｄ咩落肚，蝕晒！
呢個原來係十五個月前既我，唔經唔覺。
手臂已經有好明顯既唔同架喇，唔好笑我呀！
講開買飛飛既飛（飛到眼都花埋），仲未收到官網既匯款方法，香港另一間可以優先訂飛既都有消息，Ｄ人都走去過晒數喇。官網都唔知係咪想呃我，尋日真係嬲嬲地整左個貓俾佢，問佢地Ｄ動作咁慢係咪會影響前後位既安排架（咁當時當然唔係咁既語氣同態度問啦），冇諗到突然佢地可以唔駛一個鐘之內就覆番我：『我話左你知確認左你有位就有架啦～問問問（呢句我加既，哈哈）至於前後位既話就仲安排緊，放心啦！』
官網之前以為我一場訂三張飛，過左四日至整左個『唔好意思ＢＯＲ，一人一場只可以訂兩張咋』既貓過黎，幾驚佢無啦啦取消我個訂單呀！我即刻俾番個貓佢，好似教弱能人仕咁話晒俾佢知：『我係買三張飛，但係我一場一張、另一場兩張咋ＢＯＲ，有咩問題呀～～？』隔左兩日至話番我知：『唔好意思，睇錯左添～！』如果唔係咁樣搞到遲左成個禮拜至確認我既申請既話，可能而家都已經匯左錢喇。唉～～多災多難～～
呢張幾好睇，擺上黎先～！
文章定位：
