東南西北祝大家： Happy 牛 Year！
我好鍾意呢張相，力的表現，呵呵！
除夕晚一如以往，都係留屋企睇紅白。
同香港既表現真係爭得遠，人地個台都係好普通無咩野，但係每個歌星上台唱都會用唔同佈景，起碼有心思～所以我年年都好鍾意睇。
０９年第一日就去見東南西北喇。
要講真係好多野講，主要都係見到東同北去完廁所出黎被我地圍影啦。
佢兩個真係真係好靚，用靚黎讚佢地都不為過呀。
之後就食左好耐風，不過因為排隊既時候被有Ｄ人攝位，所以等左３個鐘終於到第３個準備上去握佢地隻手喇。
所謂『塞翁失馬，焉知非福』，佢地起晒身走到近我呢度既台邊，原來佢地剛剛簽咗一萬人啦～咁所以要去到報數板度報數喇。阿西第一個周圍望，我係咁對住佢揮手。因為個距離都好近，前面兩個人俾隔離個蕉人擋住，所以阿西都好快見到我，又碌大佢對眼望實我揮手添。呵呵～ 之後阿東都有同西一樣又望下我，不過就周圍同人揮手。到佢地要幫官網錄片段時，又睇住東食螺絲，好好笑，好現場ＦＥＥＬ～
呢兩個都算係超～意外收穫，唔係個個人都同時有呢兩個經驗。我都幾多謝Ｄ人打我尖，哈哈～
阿北當日真係成熟左～
之後又係過番Ｄ返工放工既生活，又開始學番我鍾意既台語，而家聽都覺得自己叻左好多，都碼有Ｄ連自己都識講識用，呢種感覺令我諗起當初學日文既熱情。不過今次讀完呢個ＣＯＵＲＳＥ就唔讀住喇，因為我真係只當佢係興趣而已，唔似當初讀日文咁要搵份日本公司工ＯＲ去日本讀書。下次去台灣旅行既話，先至再有機會講喇。
呀係，１號時我竟然被阿南搞到我唔記得講台語，氣死人（台語）！
哈哈，我都幾鍾意呢張！加油呀，我地個個都係！
文章定位：
