今日去拎飛，呢張唔係ＶＩＰ飛，而係之前參加屈人寺抽獎中左，今日見有時間就走出去拎喇。去到要對番個樽既ＮＵＭＢＥＲ時，睇到個工作人員鬥雞都睇唔到Ｄ字，卒之由我讀番俾佢聽至得。不過講真，佢Ｄ字真係印得好衰，我有幾支都冇ＮＵＭＢＥＲ既添。
總之拎左飛之後，就打左俾老朋友問佢睇唔睇，上次都有臨時拉佢出黎睇荃新天地個ＳＨＯＷ，今次反正張飛都免費咁就益下佢啦。哈哈～佢ＯＫ又可以去，咁就可以消化左一張飛喇。之後就搵埋個更老既老朋友，鬼叫我又冇送佢生日禮物咩，咁就借飛敬佢喇。ＹＥＡＨ～～兩個電話就搞掂，太好喇。因為我唔想送俾Ｄ唔太想去睇既人睇，無謂浪費啦，雖然個位係。。。。。
兩位朋友仔睇住我上面既飛位，對番下面個位置圖就知喇。位置都係一樣既，不過位置圖係另一場既，但係佢有四條走廊，延伸到ＢＬＯＣＫ３架，都可以近番少少既。
你地個位係山頂既角位，到時一定要帶望遠鏡呀～～
可能會見到我架，呵呵～
我對這張很有感覺～～～
拎完飛之後，就去左旺角行一陣，之前我收到ＳＭＳ，話我個電話可以ＵＰＧＲＡＤＥ，不過只有兩間可以ＵＰ，一間銅鑼灣，另一間就旺角，不過佢話要擺低我個電話兩個鐘至得，上次去睇戲時我又唔記得左，否則點等到兩個鐘呀～行到腳跛啦～所以去埋信和就走喇，巡場時，飛落海隻日文新碟（３隻）見到都有平，同最貴既比爭成４３蚊～同場咋ＢＯＲ，駛唔駛爭咁遠呀？所以，我都係等遲Ｄ再買，結果俾我發現下面呢隻正版ＤＶＤ特別版（簡稱特別正版，哈哈！）。。。
當時香港上映我都冇睇到，就係驚自己真係會喊出黎。
但都算係一個遺憾，因為成日心思思想睇。
大家估下幾多錢？
答案：
你地無睇錯，係廿蚊咋～
我當時都唔係好信，係咁睇個盒睇下有冇貼錯價錢。
直至俾完錢離開間舖至真係由心笑出黎。
幾驚佢叫番我轉頭話收錯錢呀～
又會咁橋自己踩中呢個ＮＵＭＢＥＲ既？
唔通開始有運行？
多謝天父大發神跡～
發神經果個係我～～
仲有兩個ＷＥＥＫＳ咋～～～
其實係：我仲未收到ＶＩＰ飛～死未？
文章定位：
