好多野想做，好多願望想實現，不過要錢，要時間，要青春至得，呢三樣野我都無～唉，老喇老喇～！
一直都想點都搵一種樂器學下，雖然學既樂器會隨心情唔同而改變，但都係得個想字，最大既原因係 － 我學黎做咩？又唔係出去賣唱，又要買件樂器返屋企擺，越諗越無謂，但係過左一排又會無啦啦諗番起架喇，可能係心癮啦～
上星期終於收到遲來既會員卡喇。我都唔知點解今次會突然加入做會員，周周又唔入，翩翩係入飛落海，可能係有四個人，抵Ｄ咁囉～好彩小郡主話一定會入周周，咁佢就可以幫埋我買到優先門票喇。
講開優先門票，９月尾飛落海都會開ＣＯＮ，而家就係會員有得優先訂票，不過～真係唔知個ＶＩＰ位係咁貴～價錢係公開售票最貴飛既一倍（ＶＩＰ位有紀念品送番補番數），但係，入會都係為左要最近睇ＣＯＮ之麻，唔係既話駛鬼入會咩，係咪？因為好多鍾意佢地既會員都係學生，負擔唔起咁貴，所以好似競爭無咁大，之但係，原來要鬥快入數而決定坐位既前後，都幾冒險架，都唔知個台係點，坐位係點，就盲樁樁俾錢。而家要等佢 e-mail 講我知點樣俾錢先至得，日日係度等都幾無奈～～～
文章定位：
