今天，出糧日，呵呵。又到成個月最開心既一日，不過今日發生好多事…
今日，百無聊賴時，突然電話響，嚇死人。我個電話唔知做咩鬼特別大聲，總之次次響就次次嚇到我成個彈起。
以下係對話內容：
私：喂？
李：喂？Cindy？
私：係！我係呀！
李：係！Cindy 你好！我係李生呀！（我公司行政部主管）
私：哦！係！請問咩事呢？
李：我收到通知，你７月１號係 Last Day 啦，咁你６月３０號就記得帶番Ｄ醫療咭呀等等既野～
私：（呆若木雞）………我係 Cindy wor！
李：下？～～
私：（緊張）我係 Cindy wor！
李：……呀！梳理梳理！唔好意思！我要搵既係 Sales 果個 Cindy，尖沙咀果面既～～
私：﹁＿﹁
日日嚇一嚇，好快變阿伯～
今日 Lunch 我部門４朵金瓜叫 Pizza 食，好好笑既係，明明我地想叫二人套餐再加一人套餐，但係間野話冇得叫二人套餐外賣，只有一人套餐，咁唯有叫三個一人餐，但一個二人餐同兩個一人餐既野食其實係一樣，唯一唔同既係一個二人餐係＄６９，而兩個一人餐夾埋係＄７０，你話係咪玩野，為左果一蚊雞…
終於等到食物到，但係又少左一罐７喜加兩舊蒜蓉包，基於女人本色，阿姐當然要追到天腳底都要追番黎啦～之後，有另一位速遞專員到喇，但係佢拎黎既係百事，我阿姐好好笑咁問：我地叫既係７喜唔係百事 bor～ 速遞專員就好可憐咁問：咁你係咪唔要呀～～ 再隔一陣又第三位速遞專員到，佢今次拎蒜蓉包同埋一罐－－百事！亦都基於女人本色，今次阿姐唔出聲，照收。
上面單野我用 e-mail 同番三位阿姐講，之後我地成日係咁傾計，你來我往，時間就咁樣過，咁就放工喇！真好！
上篇因為朋友仔好鍾意男人既關係，擺多Ｄ上黎啦！不過我鍾意既係東唔係西，唯有東南西北四個放晒上黎啦！
東 （成日愛耍帥，而家睇落佢都越來越搞笑，而家佢似一個搞笑藝人多過似歌手）
南 （原因係佢做過終極一家既蘭陵王，而南跟蘭國語同音，就此而已）
西 （佢雖然係華人，但因為最西化算係佢，所以唯有當佢係西人啦）
北 （我覺得佢性格有點恰北北，因此得名）
呢幾個月搵左好多國語歌黎聽，方便唱Ｋ時唱，哈哈！
十二月決定又帶阿媽去台灣玩喇，不過都係跟團好既，起碼想一齊影相都搵到人幫手影。我阿媽又叫我識下Ｄ團友，尤其係男團友添，激死我喇！我反而想佢搵到個有錢阿伯，仲要就快香果Ｄ。呵呵！
文章定位：
