今天看了唐禹哲在荃新天地既現場ＳＨＯＷ，佢唱ＬＩＶＥ都ＯＫ既，不過好似行行企企唱Ｋ咁，今日又唔係好多人睇，所以我都係夠鐘至去到。佢都幾型咁行落條自動電梯去到台上。我今日冇帶相機，如果唔係都唔會影成咁樣。
都係搵張好睇Ｄ既擺上黎！
其實我講既又再看，係我又再去睇～～相喇。早幾日同個朋友仔講開，之前我話會帶佢去廟街睇相，結果講左成年都仲未去，於是就上星期一去睇喇！
尖咀食完飯，慢慢行去廟街，原本想去番我上次去果一度睇既，但竟然……我見到個睇相佬『了鼻屎』！！佢見到我望住佢，仲唔抹手，揚揚手叫我幫襯佢添。你係咪傻架？
之後兜多一個圈，見到有個阿伯叫我地幫襯佢，我地見佢都好似幾有料咁，於是就睇呢間喇，不過真係好嘈，因為對面有幾檔賣唱，鬼咁大聲唱到走音既都有。唉，建議大家想睇既話過咗１１點再睇相啦，果Ｄ應該收檔架喇！
首先睇我個ＦＤ先，內容唔講喇，因為我都唔記得，哈哈！不過阿伯都好搞笑，好似自己同自己講野咁，我地問佢咩野佢都話『你聽我講先』，我地就『係係係係係』，但係佢就不停咁重覆又重覆上一句講既野，係咪想激死人先？
之後到我喇，都係話我呢一兩年會桃花處處開，到２０１０年係全盛時期添，結婚都會係呢一年架喇。同上次結果一樣，結婚後我都唔駛點做，有人養我過世。同埋對方係要大過我既，如果細過我既，變左我要照顧佢而唔係佢照顧我，仲有就係我係大婆命，有咩花花草草，到最後都係我係正室。呵呵，咁係因為可能我會斬晒Ｄ花花草草，咁咪淨番我一個囉。
另外，佢話我條命要周圍走至好，最好係出國外果種，即係話『翼馬』，所以成日Ｄ工做唔長，成日轉至得。咁又係既，我冇一份工可以做過兩年。唔怪之得我成日都想衝出香港啦～
其他都冇咩特別野講，不過佢成日都係咁重覆話『可以既話，脫晒Ｄ墨佢啦，對你唔好架』嘩！咁咪好大工程？我之後問佢咩野佢都好似聽唔到咁，係咁對我話『脫晒Ｄ墨佢啦』所以我ＭＳＮ都加左呢句，佢個樣好語重心長咁，我都唔知好唔好聽佢講，不過我都試過脫一次，都唔得既，仲駛左我幾百蚊添，所以都係要考慮考慮下先至得喇。
今次睇相笑多過聽佢講，不過我返去都有祈禱補鑊。仲問下天父我係咪真係會出國，希望早Ｄ俾我知道啦～～～
我～聽～日～黎～搵～你～地～～～～嘿嘿嘿
（半夜批蘋果中﹁＿﹁）
文章定位：
