星期一，再 send e-mail 俾老頂約時間，想再同佢講關於早走既事，點知聽到佢講：今日我哋已經登咗報紙請人喇﹗但係呢，要睇下請唔請到人，仲要佢可以即時返工，交接到既話，妳咪可以早走囉﹗如果個新人都係要 6 月至返到工既，咁咪冇得早走囉﹗『‥‥‥‥‥﹗﹗』即係冇講過嘢啦~﹗廢話大王﹗﹗變咗我冇同佢講補錢既事，呢樣唔到最後一刻我都唔會講﹗不過點都要講聲俾 Agent 聽喇﹗下晝 Agent 覆番我，而家新工話想搵到個可以即日返工既添，因為舊 SA 做到 30 號就走，所以要有人接手（又係呢個問題）。但係 Agent 冇人俾到佢揀，因為而家冇人，變咗新工而家 Hold 住我做後備，如果有人可以即刻返到，就即刻飛起我咁話。所以而家間新工都唔知返唔返到喇。
而家我個樣都好似佢哋咁喇﹗-> 冇晒心機﹗
不過，突然間諗：好似好趕咁，兩邊都好有壓力﹗一直都話要做日資工，人工高、福利好，家吓有機會喇，但係份工又催生晒，到時做又一定會好多好多手尾要執。覺得自己有 D 攞苦嚟辛﹗其實都冇特登搵呢個 Agent，剛剛佢又突然上星期四搵我，我都冇準備，其實我想正式離開咗至開始搵，一來又可以抖下，二來可以溫下書考商業日語試，而家咁樣搞一搞，咩嘢心情都冇晒﹗仲點溫書吖﹖唉﹗不過又係嗰句：船到橋頭自然直，柳暗花明又一村，今日唔知聽日事，天跌落嚟當被冚……
文章定位：
