今日心情同佢哋比，真係差天共地﹗
我今日打電話去問番 Agent 荃灣嗰間日本公司請咗人未，佢話尋日介紹咗人過去見喇，仲今日第一日返工添﹗嗚…﹗冇喇冇喇﹗心情跌落谷底，個癲佬又喺度發癲，我都忍唔住大聲鬧番佢：你究竟講咩嘢呀~﹗﹗﹗好彩係對住個電話，而且我又走咗去裝錶房，如果喺我個位咁大聲講嘢，一定成間公司既人望住我（我間公司隔音超差）﹗今日又有批錶唔防水，要 100% Check，搞到要五個人入去師傅處幫手，我當然係其中一個啦﹗費事行出去對住個癲佬，我寧願喺裝錶房度嘻嘻哈哈做嘢。之但係癲佬有時又會失驚無神衝入嚟睇我哋搞掂未，佢行路冇聲架﹗搞到我哋都唔敢咁大聲講笑，不過好彩有兩個人上嚟見工，佢先至唔係成日入嚟咋﹗唉﹗咁既生活，同坐監冇分別﹗
好唔開心呀~~~~~~~~﹗
w-inds.：唔好唔開心啦﹗嗱﹗送扎花俾妳既﹗
私：嗚…嗯﹗多謝你哋啊﹗但係…嗚…冇咗個機會喇﹗
涼平：唔緊要啦﹗可能呢份工到妳真係做既時候，會唔適合妳呢﹖
慶太：係囉﹗“失敗は成功の元”と言いますからね～。（俗語話『失敗乃成功之母』嘛）再接再厲啦﹗
龍一：いいこと言うね～運命ですよ。（講得好呀﹗命運嚟架-> 整定）
私：心情雖然冇明顯改變，但係都好多謝你哋，只不過太 Shock﹗嗚…
龍一：（向涼平、慶太細聲講）喂﹗佢話 Shock 係咪即係話佢自己 Short 咗呀﹗
涼平：（向慶太、龍一細聲講）唔…我諗佢真係打擊太大，我哋都係唔好刺激佢喇。
慶太：（向涼平、龍一細聲講）之但係如果佢發爛咋掟嘢咁點算﹖可能整親我哋喎﹖
w-inds.：（心諗）都係唔好理呢個傻婆，三十六著，走為上著喇﹗（逃）
私：（大叫）你哋唔識聽英文就讀多幾年書啦﹗我係 Shock（ショック），唔係 Short（ショット）呀﹗傻仔三人組~﹗
以上對話，全屬無聊，如有雷同（佢哋冇可能識講廣東話），實屬抄（我）橋﹗
註：以上慶太及龍一的日文對話是出至 06 年 6 月號 Arena 37oC 中。
文章定位：
