星期三嬲得濟，諗住第二日唔鬼返工，於是即刻搵 Agent 資料，第二日順便見埋佢，橫掂星期四就倒數完畢喇。諗番真係成肚火，好鬼唔想做呀﹗
星期四瞓到 11 點幾至起身，見下個靚仔醫生，再同朋友仔食 Lunch，唔該佢拎埋部咁重既電腦俾我，不過又會唔記得拎火牛既﹖搞到今日至正式開番機咋﹗不過今日發現，我所有既 w-inds. file 全部冇晒﹗有好多片段係而家冇可能搵得番架喇﹗嗚~~~﹗真係極度唔開心呀﹗
同朋友仔出去行咗一陣旺角，至正式去我既刑場 - 灣仔放榜，喺樓下已經見到有好多人周圍搵緊個刑場，因為今年轉咗地方派成績，而且又唔近地鐵站。上到去都好多人，不過好快就可以攞到，唔駛等好耐。如果唔知既朋友喺度講一講：成績單會由一個個既公文袋入住，如果合格既裡面仲會有多一張合格證書。所以攞到個公文袋即刻 Feel 下先，點知發現係軟既，唉﹗算啦﹗都預咗自己衰文法喇。臨走時都開下睇下啦，開咗之後，我未睇到成績，就已經睇到張證書喇﹗哈~~~~~竟然合格，我都即刻『哈~﹗』咗一大聲，搞到俾好多人望添﹗
再睇番成績，文法真係唔合格（成個試 400 總分，攞 240 分以上，即 60% 答對至合格），總分 200 分只有 111 分，三枝茅﹗好彩文字、聽解都可以喺每份卷 100 分裡面，攞到 78 同 74 分，結果總分有 263 分，65% 答對，符碌過關。而家只差一級試就搞掂喇﹗好嘢﹗咁順便 6 點鐘可以拎埋呢張成績見 Agent 添，機會又大咗 D，不過個 Agent 用英文問我時，真係口啞啞，唔識講，又係衰咗﹗而家唯有等佢覆啦﹗
ルビーへ、よかったじゃ、二人もパースして。また頑張って、一級の試験を。
絶対ゴウカクだわ。
文章定位：
