今日返工，又係無聊既一日，突然間 12 點半鐘老頂叫我入去，話俾我知原來佢住鄉下既阿媽入咗醫院，情形好似幾嚴重，佢要即刻搭飛機返去。但係年近歲晚，班班機都冇位啦，剛剛就有一班下晝機有位，咁佢就成朝逐個逐個叫入去講放假前既工作安排喇﹗因為佢阿媽年紀大，隻腳好似有瘀血壓住咗，要睇情況駛唔駛切咗隻腳去。而老闆娘會下星期一至飛埋過去，因為佢要主持聽晚既團年夜飯，如果佢都走埋就唔得了，鬼咩，今次叫埋供應商同公司客，成三圍呀﹗如果只係公司自己友食，咁就食唔食由佢話事嘛，今年搞到咁大，取消都唔得啦﹗而佢會去到過年之後至會返，咁即係今年既 Bonus...冇囉~﹗不過我冇諗到呢樣，淨係希望呢位婆婆可以冇事，唔駛切隻腳咋﹗
仲有一個禮拜就放長假喇，阿媽又改變主意過咗新年至去迪士尼喎﹗因為怕人多多迫喎﹗唉﹗搞到我好鬼想去時佢就咁樣，真係一盤冷水照頭淋﹗不過星期日同 Rita 佢哋去西貢 BBQ，總算有得玩下囉﹗
文章定位：
