由出咗雙糧到今日，我 D 錢好似倒水咁倒，唉﹗仲話要儲錢添﹗嘻嘻﹗我終於換咗新銀包喇﹗Yeah~! 舊嗰個都用咗成十年以上喇，我仲記得係 F.3 時自己一個喺葵涌廣場三樓度買既。勁哩﹖咁都記得﹗今次係一個名牌子，價錢仲要係 $500 以下，加上仲大過我之前用嗰個添。買嗰陣，個 Sales 話佢都係當日收到貨咋，而且又係我最鍾意既色，唔買真係對唔住自己，就當係買俾自己既生日禮物啦﹗（算啦﹗唔好搵藉口喇﹗）
跟住又買咗兩個細花樽仔，再自己親自插埋 D 乾花上去，嘩﹗咁都成三舊喇﹗難得今年有間新屋同埋有間房俾我佈置下，點都整靚 D 啦，最多出年唔買啫﹗
跟住又買咗好多碟，有 w-inds. 既 DVD 啦、音樂節目等等，到而家都仲未睇晒，不過唔緊啦，阿姐我有的是時間嘛﹗所以呢排都係六點 1,2 個字就趕番屋企睇碟好過。況且冇咩嘢做，要跟既都係來來去去幾張單，一到五點我就差唔多坐喺度等時間過，都咪話唔辛苦，今日仲收到一個消息，不過未經證實，遲 D 知道咗再同大家講啦﹗
跟住就係：我要換電話喇﹗仲要換個日本機電話添，原因係我個電話有少少 Short Short 地，三日已經要差電，有時按唔到制添。我鍾意嗰個 903SH 要成 $3,7XX，太貴喇﹗而且好似好多人都係買呢部咁既。或者可能買個 902 啩﹗再睇下先，不過應該今個月換喇﹗
最開心就係今年可以喺新屋度過第一年既新年，舊年就去咗日本一個人過，真係好寂寞呀﹗都係成班人一齊過最好，聽到朋友仔新年可以去旅行真係有 D 羨慕，今年我諗都係留番喺香港過喇﹗因為假期唔係好多咋，我生日嗰日 6 號就要返工喇﹗不過有開工利事逗，當日仲有開年飯食，當係慶生都好囉﹗
快 D 放假啦﹗
文章定位：
