終於決定走了！
２７歲就這樣磋跎了～～
２８歲我要積極搵新工，搵多Ｄ錢，最緊要既係搵到個佬養我過世
我既姻緣運係４，５月，要留意多Ｄ身邊既男人至得
尋晚既ＡＮＮＵＡＬ ＤＩＮＮＥＲ中抽獎，之前睇禮物時都只係睇中一部手提飛Ｘ浦ＤＶＤ機，點知，真係抽中左我，哈利路亞，感謝天父！剛剛阿媽仲想搵部機可以睇到我阿哥燒鰦俾佢既光碟用黎睇相添。益晒佢，好似最開心係佢咁，仲死都唔信我會咁好彩，俾佢激死。
朋友既飯局竟然一個又一個甩我底，有一個仲離譜，當日晏晝至話我知要食團年飯，等我帶晒Ｄ書出去至用ＳＭＳ講．．．你不如被人帶到去目的地至講啦，我唔係成日係屋企等你ＣＡＬＬ至出門口架，之前一日都唔出聲仲問我想食咩，而家食龍肉都冇味啦，把幾火！！
小郡主都算有義氣，有打電話俾我，我就一輪炮轟咁向佢呻，好彩佢肯陪我出黎，仲一齊睇埋長江７號．．．．．．
我睇到後尾反而有眼濕濕，小郡主就．．．．．．
之後同佢傾日本既事，真係好想快Ｄ去，都知道一日三餐食咩，去邊度玩先。
好喇我去打拼喇，再見！
文章定位：
