作死咯，又香機﹗搞到最後一篇日本遊記都寫唔到，癡線架﹗
今日好遲至起身，唔知點解訓得唔好，可能真係最後一 Day 啦﹗諗住買定車飛，一陣唔駛拖住個行李咁論盡。點知一出去就落雨，仲要係幾密添，好彩買左先咋。返番去民宿，有個日本女人同我打招呼（唔記得同佢影相添），但佢係講國語架﹗我見冇咩野做，咁同佢傾一陣計（我講日文佢講國語），原來佢剛剛至入呢間民宿做野，之前仲去過北京讀書添，所以識得講國語，但係一聽就知佢係日本人果種囉﹗我都俾佢讚話我既日文發音好好，聽落去都唔容易發現我唔係日本人。哈哈﹗我就係想咁樣，學語言一定要學得夠地道至叫做成功。我都試過俾人誤會我係台灣人、大陸人，所以我覺得我學語言係幾有天份架﹗（講夠未呀﹖成篇讚自己，嘔﹗）
之後上房食 Lunch，飯團仔一個，檢查好行李後，終於要返去喇﹗交房之後，去坐地鐵走人喇﹗今次我好早去到機場，因為上次好趕好趕至 Check In ，而且仲行錯機場大堂（有兩個機場大堂），搞到冇時間行機場。今次好唔好意思，我又行錯機場大堂喇﹗今次係掉番轉添，由於有好多時間剩同埋好早發現，所以 Check In 之後我仲有 1.5 h 時間慢慢行。相較之下，我會覺得香港果個真係好舒服，好好行。
到上機時，我地機上個個都講，『嘩﹗我地搭 911 呀﹗點算呀﹗』費事理佢地﹗因為我聽歌時發現有好多好多正歌﹗有 Smap 添呀~﹗又有 Promotion Video 睇﹗餐又好食﹗哈哈﹗我都係以後坐 ANA 去日本喇﹗
返到香港成 11 點幾，媽咪0係青衣站等我，冇見成兩個禮拜，佢冇咩同我講野，因為平安返黎嘛﹗相處咁耐，間唔中分開下都係好事黎既。不過覺得佢好似好勀咁，一黎又夜啦，二黎終於放低心頭大石喇﹗辛苦晒喇﹗媽咪﹗
文章定位：
