呢日比較特別，因為清晨 4 點幾時我突然間醒左，以為自己訓得唔好啦。過左一陣至知原來係地震震醒左我，不過又唔係好勁所以唔駛走出街，好快就冇再震喇，繼續訓過。
呢日最後一日行街街喇﹗亦係大破財日﹗行番涉谷，去左 Parco 百貨公司，點解特別提呢間呢﹖因為有三幢連埋一齊。而其中一幢就係戲院，有堂本剛同國分太一做既電影上添，由於我搵極都搵唔到邊度買飛所以放棄冇睇。變左淨係買手信，揀左樣最平又有佢地個樣既紙袋，大家都睇過喇﹗隔離係 Disney Shop，阿 Wing 又搞掂喇﹗走時至發現，附近有一個 Tokyo FM 電台既戶外直播室，不過今日冇特別嘉賓。去埋 HMV，Elmo 又搞掂……其他唔講喇﹗
今晚晚餐係民宿隔離既一間食定食既細舖頭度食魚定食。真係好好味呀﹗我決定以後都要食日本飯喇﹗哈哈﹗
同媽咪講電話至知原來係關東 5 點幾級地震，朝早日本電視又冇講喎﹗呵﹖不過聽媽咪把聲好似好勊咁，可能驚我有事卦﹗我咪猛話冇野囉，反正第二日都走啦﹗咁佢至肯放心收線。唉﹗如果我真係過去日本學野既話，我怕媽咪日日喊咁口咋﹗
文章定位：
