呢日我去左邊呢﹖﹖呀~~~拖得太耐，唔記得喇﹗呀﹗好似係去左代官山呀﹗
涉谷落車之後，一路行上去代官山。真係好似行山咁行，因為都幾斜。唔知小藍仲記唔記得我地上次走既方向呢﹖今次我就係反方向行喇﹗所以好快就見到猿人波鞋舖。我仲見到有間基督教教會添，不過冇開門。之後去到上次我同小藍出前一丁去過既超級市場買 Lunch 食添，自己一個食真係好孤伶伶。去到我同小藍上次買衫既舖頭，仲未轉季，全部長袖，大部份都仲係衛衣添，所以冇買到。跟住行行下見到有短袖 T-Shirt 買，咁就隨手揀左幾件，咁就領野，搞到小藍嬲左我添。之後越行越上，差 D 去埋目黑區添，但因為唔識路，地圖又冇寫有咩睇，於是掉頭走去原宿。
行去裡原宿，好鬼舒服，好冇壓力咁﹗不過因為得自己一個行，又係好快就行晒，於是我行左兩次，行埋無印添。最後見個天都差唔多黑就返歸喇。今晚晚餐係開心樂園餐，送大頭狗公仔，望下個包裝，點解個袋會寫住香港金鐘力寶中心.....既。激死我﹗咁都有既，我真係0係日本買咁嘛﹗搞到好唔值。
呀~~突然間醒起，我早上係去左上次都有去過既淺草寺。因為今日情人節，應該有好多冇情人既人去寺廟度搵情人﹗我亦都好搞笑地俾兩個高中生讚我可愛﹗哈哈哈﹗冇睇錯，係高中生，點解我知﹖因為著住校服嘛﹗呢均都算係艷福不淺卦﹗
文章定位：
