呢度都冇咩人睇既，不過由佢，我繼續寫﹗
早上 6 點幾，唔知點解自然紮醒左，可能訓得唔舒服卦。冇幾耐司機叔叔話已經到東京仲就黎要落車添，俾五分鐘時間準備都好啦，得0個一分鐘，廁所都去唔到。於是即刻執番個樣，整好行裝，搞到最後一個至落車。拎番 D 行李，即刻問人地鐵站位置，晨咁早推住 D 行李去另一間民宿進發。
8 點鐘已經到左，俾 Miss 想像時間快好多，因為我之前約親佢都遲到，成日都唔認得路嘛。睇過自己住0個間房都幾好，有個窗可以望到街景。有女性專用沖涼房添，洗衣機又乾淨，係 D 牆薄 D，隔離講咩都聽到咁濟。去到即刻執好野，訓番一陣先...
10 點幾起身，去左涉谷行街街，今日全日齋睇冇買野兼冇影相。不過有人吼，哈哈﹗佢地都算幾好，一知道係外國人就會停口，唔似香港咁賴死都唔走。
哎呀， Lunch Hour 夠鐘，遲 D 再補寫﹗
文章定位：
