呢篇野我尋日打左好多次，最後都話我連唔到線，搞到冇鬼左，激死我喇﹗
其實係想打一年既大事回顧，但係唔打咁多喇，費事又冇左，淨係講番重點啦﹗我發覺我自己呢一年講少左好多野，相對以前成日帶頭搞氣氛既我，好似變左兩個人咁。又難怪你地個個同我出街都問我做咩咁唔開心啦。講真我真係唔係唔開心，事實係我都唔知點解我會咁…
唔通一個人既影響力真係咁大，會搞到另一個人完全唔同晒﹖我到而家都冇結論，不過我決定左：我唔會再見 CP 仔，唔會話俾佢知我鍾意過佢，可能你地又話我點解又唔講，我唔想佢又再搞亂我既生活，而家我至覺得之前自己好似行屍走肉咁過日，真係好唔想咁，好想重新開始新生活，希望可以好似以前咁做番個開朗少女（雖然已經唔“少”喇﹗）所以我連呢個新聞台都改左名，因為唔想佢成為我既“絆”（日文，解：絆腳石）
而家上番日文堂真係好開心，亦都真係可以好放鬆咁，之前提過既同學仔 Iris，佢好玩得架，又好照顧我，佢知我而家唔駛返工後，而家每個禮拜四佢都搵我食飯，食完就一齊返學，所以唔駛麻煩小藍陪我喇﹗我地成日都由上堂笑到落堂，真係好開心，但係進度始終慢 D 咁囉﹗我諗 Elmo 既日文一定會勁過我喇，我都要加油至得﹗
Send 左好多 Resume 出去都冇回音，如果下個月都搵唔到工就慘喇，我既糧淨係夠用埋下個月咋，如果過多兩個禮拜都冇聲氣，我就要搵普通公司既工喇，我唔制呀~﹗
文章定位：
