我唔制呀~﹗大晦日都要返工，仲要冇得早放，要 6 點至走得﹗好鬼羨慕其他朋友仔呀﹗尤其係小藍啦，放埋 3 號，不過我諗佢到 2 月農曆新年就唔會放咁多假喇﹗嘻嘻﹗我聽講會我間公司會放到 15 號添架﹗
終於捱到 6 點鐘鬆人喇﹗去到葵興地鐵站時，出前一丁打電話俾我話佢地都去打邊爐，咁當中既細節唔講，到最後變左我班 Friend 同小丁丁成班 7 個人食喇﹗場面認真尷尬﹗﹗
食完暖笠笠既飯出去之後，寒風刺骨，唔知係咪咁，我就即刻喉嚨痛兼眼痛，好鬼辛苦，倒數完之後仲想死咁濟，新一年就即刻唔舒服，唉﹗最後頂唔順，拉埋 Elmo 一齊走，希望小藍唔好嬲啦﹗Sorry!!
到今日元旦日，都仲未好番，所以費事出街，0係屋企睇 W-inds. Concert 2004，好正呀﹗最衰唔可以 Fung 機，因為俾阿媽鬧。激氣﹗
等多一個月，我可以飛過去見佢地喇﹗仲係 Mini Concert 添呀﹗哈哈﹗
文章定位：
