有好多戲想睇呀，下妻物語啦、蝙蝠俠啦、頭文字 D 啦，唔知有邊個得閒陪我睇呢﹖連續俾唔同既人放咗幾次飛機，開初話同我睇，結果再問佢哋就話已經睇咗，搞到冇咩心機再約其他人。而且新屋就快裝修好，D 灰塵又有排抹，抹好至搬得，本來諗住 7 月 1 號搬，但係時間又太趕，可能 3 號之後揀平日冇咁多人至搬。咁又多幾日執下屋喇﹗今日都掉咗好多衫呀、襪呀、書呀等等﹗好鬼辛苦﹗
尋日公司有個 Designer Ryan 同我講，長沙灣有間日本公司請採購同 Designer 呀﹗不過唔知間公司做咩呢，Ryan 都話佢之前去過呢間見工，佢嗰時見採購，個阿 Head 好鬼靚仔，而且人工加津貼會過萬，我諗住 Send Resume 過去，試下都好啦﹗但係唔知係咪小藍以前嗰間呢﹖
近排唔知自己想講咩，所以日記都唔想寫，可能搬咗之後會好 D 啦﹗
文章定位：
