殘花展 殘花 只會漸漸凋謝 步向死亡 facebook page: 殘花姑娘

106愛的鼓勵 0訂閱站台

睇醫生做檢查或治療，好多人都係覺得「醫生叫我做乜咪做乜囉，我又唔識」。當然，醫生係professional, 佢講嘅野唔會係老點，但身體係自己嘅，加上醫生都好難將一個chapter 嘅知識同佢嘅經驗一次過講晒你知，所以最好都係有啲準備，但我唔係指自己上網查資料，而係要清楚自己要知道啲乜

1. 呢項檢查/治療幫到我幾多？
2. 呢項檢查/治療會唔會做成d 咩傷害？
3. 如果我唔做會點？
4. 仲有冇其他野(檢查/治療)可以做？

舉個例，我最近胸口會赤赤痛，醫生問完診檢查話我其實有胃酸倒流叫我做胃鏡之後食胃藥，同埋要改吓我飲食習慣。吓！做胃鏡會唔會好辛苦架，唔可以做d 咩電子掃瞄代替？

1. 呢項檢查/治療幫到我幾多？
要排除胃內有潰瘍，就要照胃，加上要檢查食道有否受胃酸影響而潰瘍

2. 呢項檢查/治療會唔會做成d 咩傷害？
胃鏡係簡單檢查，可以注射麻醉藥，做會唔會特別唔舒服。如果見到胃入面有損會攞d 組織做檢查，之後一、兩日進食可能會胃痛，只要食容易消化軟體飲食就冇咁大機會胃痛

3. 如果我唔做會點？
你真係唔想胃鏡都可以唔做住，但係飲食習慣真係要改，另外都要留意生活上有冇咩令你好大壓力，壓力都會引致胃分泌過多。如果飲食改善左但情況冇變，就真係要睇吓個胃喇

4. 仲有冇其他野(檢查/治療)可以做？
都要做心電圖、電腦掃瞄睇心血管，排除同心臟有關，仲有個吹氣檢查簡單睇吓有冇胃酸過多。其實有樣檢查係放一條飲管咁粗嘅軟管由鼻去到食道，出面接駁一部收音機size 嘅機，用24小時至48小時，其間如常生活，睇吓食道pH 數值變化

一個人多數記唔得晒醫生講嘅，可以的話揾多個人一齊聽一齊記啦

P.S. 以上例子係我老作，如有雷同實屬巧合