殘花展 殘花 只會漸漸凋謝 步向死亡 facebook page: 殘花姑娘

106愛的鼓勵 0訂閱站台

http://www.metrohk.com.hk/index.php?cmd=detail&id=277521

今朝搭地鐵偷睇到隔離位份報紙個標題，以為有個男護士入咗產科，搵返單新聞睇先知原來佢係一畢業就被派去NICU新生嬰兒深切治療部，又原來香港嘅NICU係冇男護士。

可以想像到佢入職時壓力有幾大。
新入職本來已經要面對由學生變成一個好似成日都幫唔到手嘅staff , 每日放工都係諗點解自己會咁慢，點解自己仲好似只係一個換咗第二套制服嘅學生。
男護士多數都係去男病房或者成人深切治療，由安排一個新畢業男護士去NICU, 到病房經理接受呢個new staff (即使可能佢真係好唔夠人冇得揀), 加上呢位fresh grad 肯留係一個只有佢一個男生嘅病房再同時接受新畢業嘅挑戰，呢件事先可以成為佳話一則。

其實男護士女護士都可以好細心(放工後可能勁粗心大意), 都係靠經驗同個㗎啫。

仲有，原來聽日係國際護士節，祝同事們工作順利，日日準時放工！

P.S. 我間中都會"恨"吓去ICU㗎