遺民世界 The Remnant's 你們若仍住在這地，我就建立你們必不拆毀，栽植你們並不拔出。因我為降與你們的災禍後悔了。

1,331愛的鼓勵 1訂閱站台

真正所有人對所有人ㄟ戰爭，應該是像大逃殺彼款。

霍布士先想出了即个觀念，紲落 tō kā 接 kàu 契約論，這 siuⁿ 跳步。

正像雅各賓俱樂部向咱展示，自然狀況並毋是所有人對所有人ㄟ戰爭，因為人無可能一个人對抗所有人，無可能 bô-ài 睏 bô-ài hioh，尚強ㄟ人嘛需要結盟，即个結盟無定是一个契約，毋過閣卡可能干焦是一種自然ㄟ結合。

咱自然選擇咱佮意ㄟ人，想法接近ㄟ人，組成一个集團，對其他人發動攻擊。

按呢，人類佇抑無社會契約進前，先入黨派佮團體戰鬥，然後卡咧內底，一直 kàu 社會契約論ㄟ概念仾提出來。

若事實毋是按呢，人類ㄟ歷史應該佇離開伊甸園ㄟ彼一nih tō 達得永久和平。既然，咱願意為停止戰鬥佮厝邊定約，咱一定是佮所有厝邊定約。