柏林爵士引用希臘詩人 Archilochus
ㄟ名句：「狐狸濟濟捌，刺猬仔一大捌。」聽講對＜伊索寓言‧狐狸佮貓＞來，故事是按呢：
「一隻貓在林仔裏拄著一隻狐狸，心內想：『伊閣巧，經驗閣豐富，誠受人尊重。』
伊ㄉ好禮仔共狐狸挨拶：『敖早，尊敬ㄟ狐狸先生，汝好無？最近日子蓋艱苦，汝過得安怎？』
狐狸真囂俳共貓對頭𢓜尾相，半工也未決定卜佮伊講話無。最後伊講：『哦，汝即箍衰潲喙鬚鬍垃圾、規身軀花ㄟ癮頭、痟逐鳥鼠ㄟ跤數，汝會曉啥？有啥資格問我過了安怎？汝攏學了啥本事？』
『我干焦一項本領。』貓謙虛講。
『啥本領？』狐狸問。
『有人追我ㄟ時，我會曉爬樹頭藏起來保護家己。』
『按呢爾爾？』狐狸看伊真無，講：『我掌握就百種本領，而且閣有規橐袋仔計智。我感覺汝真可憐，來綴我，我教汝安怎仾逐無。』
即時，獵人綴四隻狗行倚。貓流利peh就樹頭，跍佇樹頂，峇峇ㄟ葉仔共伊掩崁。『緊拍開汝ㄟ計智，狐狸先生，緊拍開！』貓對狐狸喊。
毋過，獵狗已經共狐狸偃過去咬tiâu。
『哎呀，狐狸先生，』貓閣喊，『汝ㄟ千百種本領ㄉ按呢攏無去了了！假使汝像我仝款會曉peh樹仔ㄉ袂失去性命！』」
無定，漢娜‧鄂蘭稱海德格為狐狸猶閣有即層意思。
毋過，安怎講 Archilochus
講ㄟ是狐狸佮刺猬仔，毋是狐狸佮貓，拄好伊索寓言有一篇狐狸佮刺猬仔，故事是按呢：
「 一隻狐狸渡過透流，予沖𢓜深谷。伊規身軀全傷，䖙塗跤袂振袂動。一堆噪血ㄟ蠓仔叮甲伊全身軀。即時，一隻刺猬仔行過來，足可憐伊遐痛苦，問敢需要趕遐害伊ㄟ蠓仔。
狐狸回答：『免，請汝覅攪擾怹。』
刺猬感覺奇怪：『為啥物boaih共怹趕走？』
狐狸回答：『千萬覅，汝所看著遮ㄟ蠓仔已經吸飽我ㄟ血，袂閣叮我。汝若替我趕走怹，另外一寡閣卡噪ㄟㄉ會來將我偆ㄟ血吸乾。』
ㄉ是講，忍受兩改拖磨，不如一改拖磨忍受到底。」
加上鄂蘭剾洗海德格ㄟ狐狸故事，三隻狐狸攏是反面教材。
如果 ùi
最後一个故事來看，刺猬仔ㄟ一大捌嘛會使解釋做正面迎擊，愚者正面迎擊，袂考慮忍耐ㄟ代誌，智者恬恬忍受，想頭想尾，看來深思熟慮，自以為得計。
文章定位：
