老師予阮看ㄟ是一齣卡通，とべＢＢ。
是用來練習日語聽力ㄟ。雖然只是一齣卡通，我煞愈聽愈感覺真有深意。
兩隻烏鴉咧討論烏佮白。
小隻烏鴉講，伊聽着人類囡仔唱：「烏鴉足垃圾，閃去邊仔」時，心內真受傷。
老烏鴉回答伊，平時咱講桌布烏ah，其實tō是桌布垃圾，可見烏佮垃圾仝款，因為烏鴉生成是烏ㄟ，所以真簡單hô͘看做是垃圾。烏鴉當然嘛有清氣ㄟ。本來，有清氣ㄟ烏，嘛有垃圾ㄟ白，烏白佮清氣垃圾應該是無仝ㄟ意涵。
然後，老烏鴉閣講，現實上，烏鴉確實是佮貓佮狗袂比得，因為無用洗潔劑，自然無法度洗kah hiah清氣。毋過好佳哉，烏鴉是烏ㄟ，所以像伊攏無咧洗身軀，嘛看無啥會出來。
「世間分袂清烏佮白ㄟ代誌嘛是有ㄟ。（世の中には白黒つかないこともある。）」
定定逐个咧討論，為啥物社會 chiah-ní-á 雙重標準，想看覓，垃圾ㄟ烏，kám 看會出來？毋是骯髒ㄟ白看起來閣卡刺目？
文章定位：
