Hit一時 guá 明白—ah，雙重標準 sī lán lâng ê 天性。
為siáⁿ-mi̍h 手機á lak-lo̍h 屎khang，guá tō bô͘-huat-tō͘ koh kā the̍h leh 耳á piⁿ 聽。因為想 tio̍h 伊 bat 滾過屎尿，kui-ê lâng 強beh 吐。
Guá 相信 bó͘ 去 thó 契兄 ê tsa-po͘-lâng，看tio̍h in bó͘ tō kán-ná 看tio̍h 一支滾過屎尿 ê 手機á。
M̄-koh，guá suà-lo̍h-khì 相 guá ka-tī ê 手，nā kóng kin-á-ji̍t 滾過—ê sī 伊，kám ū可能 kā 剁 hō͘ 斷？
絕對 bô可能。
Kē 洗幾遍手，bē bái—ah。
Án-ne 想起來，guá kám m̄-sī 雙重標準？
Ka-tī án-tsuáⁿ lap-sap，lóng ē-īng 原諒，pa̍t-lâng tô 一世lâng 斷絕往來。
Ē-sái kóng 照 tsit款態度，真惡質 ê 一个 lâng，但是 lín ka-tī 良心 the̍h 出來，kám 敢 ka-tī 大聲喊，m̄管 siáⁿ 時機 siáⁿ 所在 siáⁿ lâng，lín lóng ē-īng kā 當 ka-tī 對待？
文章定位：
